پۆتین سەردانی چین دەکات

Sputnik

ڤلادیمێر پۆتین سەرۆکی روسیا، شی جین پینگ سەرۆکی چین

ئەمڕۆ 19ی5ی2026،ڤلادیمێر پۆتین سەرۆکی روسیا سەردانێکی دوو رۆژە بۆ چین ئەنجامدەدات و لەگەڵ شی جین پینگ سەرۆکی ئەو وڵاتە  پەیوەندییە ئابوری و سیاسییەکان تاوتوێ دەکات و دەیان یاداشتامەی لێکتێگەیشتنیش ئیمزا دەکات.

بەپێی هەواڵێکی ئاژانسی سپۆتینک، پۆتین رایگەیاندووە: پەیوەندییە ئابورییەکانی نێوان روسیا و چین لەگەشەی بەردەوامدایە و قەبارەی ئاڵوگۆڕی بازرگانی 200 ملیار دۆلاری تێپەڕاندووە.
دەشڵێت: هاوپەیمانی ستراتیژی روسی چینی، هۆکارێکی گرنگە بۆ سەقامگیری جیهان.

لەلایەکی دیکەوە، یوری ئوشاکۆڤ یاریدەدەری سەرۆککۆماری ڕوسیا ئاشکرای کرد: وڵاتەکەیان و چین ئەمڕۆ نزیکەی 40 یاداشتنامە ئیمزا دەکەن.

مەراسیمی ئیمزاکردنی ئەم یاداشتنامانە لە کۆتایی دانوستانەکاندا بەڕێوەدەچێت و لە ئێستادا نزیکەی 40 یاداشتنامە ئامادەکراوە، جگە لەوەش ڕێککەوتن کراوە کە 21 یاداشتنامەیان بە ئامادەبوونی هەردوو سەرۆک واژۆ بکرێت و یاداشتنامەکانی دیکەش لە مەراسیمەکەدا ڕادەگەیەنرێن.

وتیشی: ئاڵوگۆڕی بازرگانی نێوان هەردوو وڵات بە دراوی نیشتمانیی روسیا و چینە، کە رۆبڵ و یوانە، هەروەها پەیوەندییە بازرگانییەکانمان لەگەڵ چین، پتەو و بەهێزە، بەشێوەیەک هیچ دۆخێکی دەرەکی کاری تێناکات و پارێزراوە.

PUKMEDIA