نرخی نەوت دابەزی

PUKMEDIA

دابەزینی نرخی نەوت

ئەمڕۆ 19ی5ی2026، نرخی نەوت لە بازاڕەکانی جیهان بەرێژەی 2% دابەزی و هۆکارەکەشی بۆ لێدوانێکی دۆناڵد ترەمپ سەرۆکی ئەمریکا دەگەڕێتەوە.

لەگەڵ کردنەوەی بازاڕ، نرخی نەوت لە بازاڕەکان دابەزینی بەخۆیەوە بینی و بەشێوەیەک یەک بەرمیل نەوتی برێنت بە رێژەی نزیکەی 2% دابەزی و یەک بەرمیل نەوت بە 110 دۆلار مامەڵەی پێوە دەکرێت.

هاوکات، نرخی یەک بەرمیل نەوتی تەکساسیش دوو دۆلار و 12 سەنت و بەرێژەی 1.89% دابەزی و بە 103 دۆلار مامەڵەی پێوە دەکرێت.

 هۆکاری دابەزینی نرخی نەوت، بۆ لێدوانێکی دۆناڵد ترەمپ سەرۆکی ئەمریکا دەگەڕێتەوە، کە رایگەیاندبوو: هێرشێکمان بۆ سەر ئێران دواخست، کە بڕیار بوو رۆژی سێشەممە ئەنجامی بدەین.

ترەمپ ئاماژەی بەوەشکرد:  "دەرفەتێکی زۆر باش" هەیە کە ئەمریکا بتوانێت لەگەڵ ئێران بگاتە رێککەوتن بۆ رێگریکردن لەوەی تاران چەکی ئەتۆمی دەستکەوێت.

PUKMEDIA