دیلان غەفور: حکومەت یاسای بودجەی نابێت و گرفتیش بۆ مووچە دروست ناکات

PUKMEDIA

دیلان غەفوور

ئەندامێکی لیژنەی دارایی ئەنجومەنی نوێنەرانی عیراق رایگەیاند: حکومەتی عیراق بۆ ئەمساڵ یاسای بودجەی نابێت، بەڵام گرفت بۆ مووچە دروست ناکات.

دیلان غەفور، ئەندامی لیژنەی دارایی ئەنجومەنی نوێنەرانی عیراق رایگەیاند: حکومەتی عیراق بۆ ئەمساڵ یاسای بودجەی نابێت، چونكە حکومەتی نوێ لە 16ـی ئایار دەستبەکار بووە و وەزارەتەکان ناتوانن لە ماوەیەکی کەمدا ئامادەکارییەکان بۆ پڕۆژە یاسای بودجەی 2026 تەواو بکەن و رەوانەی پەرلەمانی بکەن، بۆیە لە ئێستاوە کار بۆ ئامادەکردنی پڕۆژە بودجەی ساڵی 2027 دەکرێت.

وتیشی: دابینکردنی مووچەی مووچەخۆران بۆ عیراق و هەرێمی کوردستان گرفتی بۆ دروست نابێت، بە گوێرەی یاسای کارگێڕی دارایی، لە کاتی نەبوونی یاسای بودجەدا، مووچە لەسەر بنەمای 1/12 خەرج دەکرێت و پرۆسەکە بەردەوام دەبێت.

PUKMEDIA