سەرۆک کۆمار چاوی بەسەرۆکی بزوتنەوەی بابلیۆن دەکەوێت

نوسینگەى راگەیاندنى سەرۆک کۆمار

نزار ئامێدی سەرۆک کۆمارى عیراق و رەیان ئەلکلدانی سەرۆکی بزووتنەوەی بابلیۆن

نزار ئامێدی سەرۆک کۆمارى عیراق ئەمڕۆ شەممە 16ی ئایار 2026، چاوی بە رەیان ئەلکلدانی، سەرۆکی بزووتنەوەی بابلیۆن کەوت.

لەمیانی دیدارەکەدا باسیان لە پێشهاتە سیاسیەکانی وڵات کرد و سەرۆک کۆمار جەختی لە گرنگی پەلەکردنی پێکهێنانی کابینەی حکومەت بە تەواوەتی کردەوە بۆ گەیشتن بەسەقامگیری سیاسی و بەدیهێنانی خواستەکانی هاووڵاتییان لە پێشکەوتن و خۆشگوزەرانی، هەروەها ئاماژەی بەپێویستی هەوڵی هاوبەشی هێزەکانی نیشتمانی کرد بۆ پشتیوانیکردن لەهەنگاوەکانی قۆناغی داهاتووی حکومەتدا .

لەلای خۆیەوە، ئەلکلدانی جەختی لە گرنگی بەردەوامبوونى تەواوکردنی کابینەی حکومەت بۆ بەرزکردنەوەی ئەدای حکومەت و گەیشتن بە سەقامگیری لە وڵاتدا کردەوە.


PUKMEDIA