riklam

مەكتەبی سكرتارییەت: سەرۆككۆمار خوێندكارە متمانە پێكراوەكەی سەرۆك مام جەلالە

عیراق 05:32 PM - 2026-05-11
سەردانی وەفدی مەكتەبی سكرتارییەت بۆلای سەرۆككۆمار راگەیاندنی سكرتارییەتی سەرۆك مام جەلال

سەردانی وەفدی مەكتەبی سكرتارییەت بۆلای سەرۆككۆمار

یەکێتیی نیشتمانیی کوردستان سەرۆککۆمار

وەفدی مەكتەبی سكرتارییەتی سەرۆك مام جەلال لەكۆشكی بەغداد سەردانی نزار ئامێدی، سەرۆككۆماری عیراقی كرد و ئەندامانی وەفدەكە پیرۆزباییان ئاڕاستەكرد.

لەو سەردانەدا، ئەندامانی وەفدی مەكتەبی سكرتارییەت، خۆشحاڵی خۆیان دەربڕی بە هەڵبژاردنی بەڕێزیان، وەك خوێندكارێكی دڵسۆزو متمانە پێكراوی سەرۆك مام جەلال و یەكێتی كە لەڕابردوودا وەك بەشێك لەمەكتەبی سكرتارییەتی سەرۆك مام جەلال ئەرك و كارەكانی بەئەمانەتەوە جێبەجێدەكرد . ئەمڕۆش لەم پێگەیەدا مایەی شانازییە كە یەكێك لە سەركردەكانی یەكێتی ئەم بەرپرسیارێتییەی پێسپێردراوە .

 لایخۆیەوە ؛ نزار ئامێدی سەرۆككۆماری عیراق، سوپاسی وەفاداری و دڵسۆزی ئەندامانی مەكتەبی سكرتارییەتی سەرۆك مام جەلال-ی كرد بۆ بەسەركردنەوەكەی و دڵنیاییدا بە هەمان گڕوتینی رابردوو درێژە پێدەری رێباز و سیاسەتی حەكیمانەی سەرۆك مام جەلال دەبێت بۆ خزمەتكردنی گەل و وڵات.

 PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket