مووچەی مامۆستایان و فەرمانبەرانی گرێبەست دابەشدەکرێت

PUKMEDIA

پارەی عیراقی

دارایی هەرێم رایگەیاند: مووچەی مامۆستایانی گرێبەست و بەشێک لەفەرمانبەرانی هەمیشەیی و گرێبەست دابەش دەکرێت.


وەزارەتی دارایی و ئابووری حکومەتی هەرێم لە راگەیەندراوێکدا کە کۆپییەکی دەست PUKMEDIA کەوتوە رایگەیاند: رۆژی پێنج شەممە ( 16ی نیسانی 2026) مووچەی مانگی ئازاری مامۆستایانی گرێبەستی وەزارەتی پەروەردەو خوێندنی باڵاو توێژینەوەی زانستی دابەش دەکرێت.


ئەوەشی راگەیاندووە: هاوکات لەهەمان رۆژدا مووچەی مانگی ئازاری سەرجەم ئەو فەرمانبەرانە دابەش دەکرێت کەلەدوای ( 1-7-2024) بەشێوەی گرێبەست و هەمیشەیی لەسەر میلاکی دامەزراوەکانی حکومەتی هەرێم دامەزراون کەشایستەکانیان لەسەر داهاتی ناوخۆی هەرێمی کوردستان خەرج دەکرێت.


PUKMEDIA