داهاتی نانەوتیی مانگی ئادار خرایە سەر هەژماری دارایی عیراق

PUKMEDIA

دراوی عیراقی

داهاتی نانەوتیی هەرێم بۆ مانگی ئادار خرایە سەر هەژماری بانكیی وەزارەتی دارایی عیراق.

وەزارەتی دارایی و ئابووری حكومەتی هەرێم رایگەیاند: ئەمڕۆ چوارشەممە، 8ی نیسانی 2026، بڕی  43 ملیارو 94 ملیۆن و 141 هەزار دینار، وەك داهاتی نانەوتیی هەرێم بۆ مانگی ئادار بەشێوەی كاش خرایە سەر هەژماری بانكیی وەزارەتی دارایی حكومەتی فیدراڵ لە لقی هەولێری بانكیی ناوەندیی عیراق.

ئەمەش لەكاتێكدایە، مانگەكانی رابردوو وەزارەتی دارایی حكومەتی هەرێمی كوردستان بڕی 120 ملیار دینار داهاتی نانەوتی دەخستە سەر هەژماری بانكی وەزارەتی دارایی عیراق، بەڵام بۆ مانگی ئادار تەنها یەك لەسەر چواری ئەو داهاتەی بۆ عیراق ناردووە كە بڕەكەی نزيكەی 44 ملیار دینارە.


PUKMEDIA