چرۆ حەمەشەریف: تەنها یەكێتی و سەرۆكەكەی لەخەمی پرسی بەپارێزگابوونی هەڵەبجەدان
کوردستان 01:08 PM - 2024-03-15چرۆ حەمەشەریف
چرۆ حەمەشەریف ئەندامی فراكسیۆنی یەكێتی لە ئەنجومەنی نوێنەرانی عیراق لەسەر پشكی پارێزگای هەڵەبجە لەچاوپێكەوتنێكیدا لەگەڵ وێبسایتی رەسمی یەكێتیی نیشتمانیی كوردستان PUKMEDIA رایگەیاند: "جگە لەیەكێتیی نیشتمانیی كوردستان هیچ لایەنێكی دیكە بەخەمی پرسی بەپارێزگابوونی هەڵەبجەوە نییە".
دەشڵێت: "بافڵ جەلال تاڵەبانی سەرۆكی یەكێتیی نیشتمانیی كوردستان، تاكە سەركردە بوو هاتە بەغدا بۆ گفتوگۆكردن لەگەڵ ئەو لایەنانەی كە دژی بەپارێزگابوونی هەڵەبجەن".
دەقی چاوپێكەوتنەكە:
*پرسی بەپارێزگابوونی هەڵەبجە بەكوێ گەیشتووە؟
-چرۆ حەمەشەریف: "لە كۆتا دانیشتنی ئەنجومەنی نوێنەراندا لەسەر پرسی بەپارێزگابوونی هەڵەبجە، 25 پەرلەمانتار ئیمزایان كۆكردەوە تاوەكو خوێندنەوەی سێهەم بۆ پڕۆژە یاساكە نەكرێت، بەڵام هەوڵماندا دانیشتنەكە دوابخەین بۆ ئەوەی نەكەوێتە خولێكی دیكەی ئەنجومەنی نوێنەران، هەرچەندە محەمەد حەلبوسی سەرۆكی پێشووی ئەنجومەنی نوێنەرانی عیراق بەبیانووی ئەوەی سنووری جوگرافیای هەڵەبجە نەنێردراوەتە پەرلەمان و لەبەر هەڵبژاردنی ئەنجومەنی پارێزگاكانی عیراق دانیشتنەكانی لەسەر ئەو پرسە دواخست و بەڵێنیدا دوای بەڕێوەچوونی هەڵبژاردنەكان هەڵەبجە بكاتە پارێزگا، بەداخەوە ئەوە بووە هۆكارێك جارێكی دیكە خوێندنەوەی سێهەم بۆ پڕۆژە یاساكە نەكرێت و دواتریش پشووی زستانەی پەرلەمان دەستیپێكرد، دوای پشووەكانیش خودی خۆم دووجار بە نووسراوی رەسمی داوای ئەوەمكردووە پڕۆژە یاسای بەپارێزگابوونی هەڵەبجە بخرێتە بەرنامەی كارەوە، هەرچەندە ئەوەی بەلای یەكێتییەوە گرنگە ئەنجامەكەیە نەك خستنە بەرنامەی كارەوە".
*جگە لە یەكێتی چی لایەنێكی دیكە هەوڵی بەپاریزگابوونی هەڵەبجە دەدات؟
-چرۆ حەمەشەریف: "بەداخەوە جگە لە یەكێتیی نیشتمانیی كوردستان هیچ لایەنێكی دیكە بەخەمی پرسی بەپارێزگابوونی هەڵەبجەوە نییە، تەنانەت ئەو كاتەشی كە كێشەیان بۆ خوێندنەوەی سێهەم دروستكرد، تاكە سەركردەیەك كە سێ سەعات دوای دواخستنەكە گەیشتە بەغدا بافڵ جەلال تاڵەبانی سەرۆكی یەكێتیی نیشتمانیی كوردستان بوو، جگە لەو هیچ سەركردەیەكی دیكە نەهاتە بەغدا بۆ گفتوگۆكردن لەگەڵ ئەو لایەنانەی كە دژی بەپارێزگابوونی هەڵەبجە بوون".
*لەئێستادا خوێنەندنەوەی سێهەم بۆ پرسی بەپارێزگابوونی هەڵەبجە بەكوێ گەیشتووە؟
-چرۆ حەمەشەریف: "دوای پێشكەشكردنی داواكارییەكەم بۆ ئەوەی دووبارە خوێندنەوە بۆ پڕۆژە یاسای بە پارێزگابوونی هەڵەبجە بكرێت، وەڵامدراینەوە و پێیان وتین كەی دەتانەوێت بیخەنە بەرنامەی كارەوە، بەڵام یەكێتیی نیشتمانیی كوردستان بۆ كاتێكی گونجاو دەگەڕێت، دەمانەوێت لەخولی پێنجەمی ئەنجومەنی نوێنەراندا هەڵەبجە ببێتە پارێزگا و هیوادارم بتوانین ئەو كارە بكەین، مەرجی سەرەكی یەكێتیی نیشتمانیی كوردستانیش ئەوەیە كە هەركەسێك دەكەنە سەرۆكی پەرلەمان لەپێناو بەڵێ بۆ بەپارێزگابوونی هەڵەبجە دەنگی بەڵێی پێ دەدەین".
*سنووری پارێزگای هەڵەبجە دیاریكراوە؟
-چرۆ حەمەشەریف: "بەڵێ، سنووری پارێزگای هەڵەبجە لەكاتی خۆیدا لەلایەن حكومەتی هەرێمی كوردستانەوە دیاریكراوە، بەڵام محەمەد حەلبوسی سەرۆكی ئەوكاتەی ئەنجومەنی نوێنەرانی عیراق وەك بیانوویەك بەكاریهێنا، چونكە شەقام رازی نەبوو هەڵەبجە ببێتە پارێزگا و تەلەعفەر هەر قەزا بێت".
PUKMEDIA
هەواڵی زیاتر
-
یادی ٤٥ ساڵەی شەهید سیروان و هاوڕێکانی
10:41 AM - 2024-04-29 -
کۆنفرانسی زانستی نێودەوڵەتی کاری کۆمەڵایەتی سازدەکرێت
10:46 AM - 2024-04-28 -
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
04:34 PM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
10:11 AM - 2024-04-27
ئەمانەش ببینە
کوردستان 10:54 AM - 2024-04-29 دانهغاز: زیانی كهم بهر كۆرمۆر كهوتووه و بهكاتی بهرههمهێنان رادهگرین
لوقمان وەردی: یەكێتی لەگەڵ دواخستنی هەڵبژاردن دا نییە
03:06 PM - 2024-04-28
د.نەرمین مەعروف: لەم هەفتەیەدا مووچەی هەرێم دەنێردرێت
10:17 AM - 2024-04-28
٧١ هەمین هەفتانەی دیجیتاڵی ئینگلیزی بڵاودەكرێتەوە
09:10 AM - 2024-04-28
یەمەن ناوی کوژراو و بریندارەکانی کێڵگەی کۆرمۆر ئاشکرا دەکات
06:17 PM - 2024-04-27
زۆرترین خوێنراو
-
دانهغاز: زیانی كهم بهر كۆرمۆر كهوتووه و بهكاتی بهرههمهێنان رادهگرین
کوردستان 10:54 AM - 2024-04-29 -
یادی ٤٥ ساڵەی شەهید سیروان و هاوڕێکانی
کوردستان 10:41 AM - 2024-04-29 -
قوباد تاڵەبانی پرسەنامەیەک ئاڕاستەی هۆزی جاف دەکات
پرسەنامە 08:52 PM - 2024-04-28 -
لوقمان وەردی: یەكێتی لەگەڵ دواخستنی هەڵبژاردن دا نییە
کوردستان 03:06 PM - 2024-04-28 -
کۆنفرانسی زانستی نێودەوڵەتی کاری کۆمەڵایەتی سازدەکرێت
کوردستان 10:46 AM - 2024-04-28 -
د.نەرمین مەعروف: لەم هەفتەیەدا مووچەی هەرێم دەنێردرێت
کوردستان 10:17 AM - 2024-04-28 -
پرسەنامەی قوباد تاڵەبانی بۆ خانەوادەی کامەران حەمە حەمەسەعید
پرسەنامە 10:01 AM - 2024-04-28 -
٧١ هەمین هەفتانەی دیجیتاڵی ئینگلیزی بڵاودەكرێتەوە
جیهان 09:10 AM - 2024-04-28