كتێبی جەلال تاڵەبانی و هەڵدانەوەی چەند لاپەڕەیەكی مێژوو بڵاودەكرێتەوە
کوردستان 04:38 PM - 2023-12-06مەڕاسیمی بڵاوكردنەوەی كتێبی جەلال تاڵەبانی و هەڵدانەوەی چەند لاپەڕەیەكی مێژوو
پاشنیوەڕۆی ئەمڕۆ 6-12-2023، لە مەڕاسیمێكی شایستەدا بە ئامادەبوونی ژمارەیەك لە ئەندامانی مەكتەبی سیاسی و سەركردایەتی و نووسەر و خوێنەران، كتێبی (جەلال تاڵەبانی و هەڵدانەوەی چەند لاپەڕەیەكی مێژوو)، بڵاوكرایەوە.
سەرەتای مەڕاسیمەكە بە دەقیقەیەك وەستان بۆ گیانی پاكی سەرۆك مام جەلال و سەرجەم شەهیدانی كوردستان بە هەردوو سرودی نیشتمانی ئەی رەقیب و سرودی یەكێتیی نیشتمانیی كوردستان مەشخەڵان دەستیپێكرد.
لە مەڕاسیمەكەدا باڵیۆز د. محەمەد سابر سەرۆكی دامەزراوەی سەرۆك جەلال تاڵەبانی وتەیەكی پێشكەش كرد و بەخێرهاتنی ئامادەبووانی كرد و رایگەیاند: "ئەمڕۆ كتێبێكی دیكەی گرنگی بەشێك لە مێژووی سەرۆك مام جەلال بەناونیشانی (جەلال تاڵەبانی و هەڵدانەوەی چەند لاپەڕەیەكی مێژوو)، ئیمزا و بڵاودەكەینەوە كە چەند دیدارێكی یەك لەدوای یەكی رۆژنامەنووسی بەناوبانگی لوبنانی غەسان شربل-ە و لە گۆڤاری ئەلوەسەت و رۆژنامەی ئەلحەیاتی لوبنانیدا بە چەند بەشێك بڵاوكراونەتەوە.
راشیگەیاند: "لەم كتێبەدا سەرۆك مام جەلال زۆر بە وردی و بە ئامانەتەوە لە وەڵامی رۆژنامەنووسەكەدا تیشك دەخاتەسەر گەڕاندنەوەی دەسەڵات بۆ كورد لە ساڵی 1968 و گەیاندنی پەیامی كورد بەجەمال عەبدولناسر سەرۆكی ئەوكاتەی میسر، هەروەها گەشتی سەرۆك مام جەلال بۆ جەزائیر و چاوپێكەوتنی لەگەڵ بندێلا و گەڕاندنەوەی بۆ بەیروت و لەدوایدا سەردانی بۆ یەكێتی سۆڤییەت بۆلای مستەفا بارزانی و سەردانەكانی دیكەی بۆ وڵاتان و بینینی چەندین سەركردەی وڵاتان و گەیاندنی پەیامی كورد پێیان".
كتێبەكە لە زمانی عەرەبییەوە لە لایەن خاتوو شاناز هیرانی-یەوە وەرگێڕدراوەتە سەر زمانی كوردی و پەڕاوێزەكانی لەلایەن د. ئەحمەد حەمەئەمین-ەوە نووسراون و لەسەر ئەركی دەرباز كۆسرەت رەسوڵ چاپكراوە و لە بڵاوكراوەكانی ناوەندی هەولێری مەكتەبی راگەیاندنی یەكێتیی نیشتمانیی كوردستانە.
هەر لە مەڕاسیمەكەدا خاتوو شاناز هیرانی وەرگێڕی كتێبەكە وتەیەكی پێشكەش كرد و رایگەیاند: "كتێبی (جەلال تاڵەبانی و هەڵدانەوەی چەند لاپەڕەیەكی مێژوو)، بەشێكە لەو دیدار و چاوپێكەوتنانەی سەرۆك مام جەلال كە لە ژیانیدا لەگەڵ رۆژنامەنووساندا ئەنجامیداون، گرنگییەكەشی لەوەدایە رۆژنامەنووسێكی بەناوبانگی لوبنانی چاوپێكەوتنی لەگەڵدا ئەنجامداوە و سەرۆك مام جەلالیش بە وردی و راستگۆییانە باسی رووداوە مێژووییەكانی كردووە و تیشكی خستووەتە سەر جیابوونەوەی باڵی مەكتەبی سیاسی لە پارتی و دروستبوونی شۆڕشی نوێ و شاڵاوی بەدناوی ئەنفال، كە سەرجەمیان بۆ خوێنەر بابەتی نوێن و تێگەیشتنە لە بەشێكی مێژووی ژیانی سەرۆك مام جەلال".
هەر لەوبارەیەوە پ.د. ئەحمەد حەمەئەمین رایگەیاند: "پێشەكی و بەدواداچوون و دانانی پەڕاوێز بۆ كتێبەكە كارێكی ئاسان نەبوو، چونكە سەرجەم پەڕەكان پێویستیان بە پەڕاوێز و خستنەڕووی زیاتر بوو، بۆ ئەمەش كاتێكی زۆری ویست تا توانیم پەڕاوێزەكان تەواو بكەم، كە نزیكەی 200 پەڕاوێزن و سەرجمیشیان بە سەرچاوەی مێژوویی پشتڕاست كراونەتەوە، تەنانەت بۆ راستی و دروستی بابەتەكان پەنام بۆ چاوپێكەوتنەكانی سەرۆك مام جەلال و چەندین كتێبی دیكەی وەك دیداری تەمەن بردووە، بەڵام دوواجار توانیمان كتێبێك بەرهەم بهێنین كە راست و دروست بێت سەبارەت بە بەشێك لە مێژووی سەرۆك مام جەلال".
كتێبی (جەلال تاڵەبانی و هەڵدانەوەی چەند لاپەڕەیەكی مێژوو)، لە 288 لاپەڕە پێكهاتووە و سەرەتاكەی بە ناوەڕۆك و كۆتاییەكەشی بە پێڕستی بەشەكان كۆتایی دێت، هەزار ژمارەی وەك چاپی یەكەم لێچاپكراوە و لەلایەن بەڕێوەبەرایەتی گشتی كتێبخانە گشتییەكان-هەرێمی كوردستان بە ژمارە 777 لە ساڵی 2023 ژمارەی سپاردنی پێدراوە.
بۆ بینینی مەڕاسیمی بڵاوكردنەوەی كتێبی (جەلال تاڵەبانی و هەڵدانەوەی چەند لاپەڕەیەكی مێژوو) كلیك لەم لینكە بكە ...
PUKMEDIA
هەواڵی زیاتر
-
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
04:34 PM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
10:11 AM - 2024-04-27 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26
ئەمانەش ببینە
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
05:44 PM - 2024-04-27
قائیمقامی چەمچەماڵ: دوو وەفدی هەرێم و عیراق سەردانی کۆرمۆر دەکەن
11:17 AM - 2024-04-27
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
09:51 PM - 2024-04-26
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
زۆرترین خوێنراو
-
سەرۆكکۆمار: عیراق وڵاتی هەمووانە
عیراق 07:22 PM - 2024-04-27 -
شاجوانەکەی خانەقی
بیروڕا 06:22 PM - 2024-04-27 -
چاوێکیشتان لە زۆرینەی فەقیر و فوقەرا بێت
بیروڕا 06:20 PM - 2024-04-27 -
یەمەن ناوی کوژراو و بریندارەکانی کێڵگەی کۆرمۆر ئاشکرا دەکات
جیهان 06:17 PM - 2024-04-27 -
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
جیهان 05:44 PM - 2024-04-27 -
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
جیهان 04:34 PM - 2024-04-27 -
قائیمقامی چەمچەماڵ: دوو وەفدی هەرێم و عیراق سەردانی کۆرمۆر دەکەن
کوردستان 11:17 AM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
کوردستان 10:11 AM - 2024-04-27