دارا خەیلانی بۆ کونسوڵی فەڵەستین: یەکێتی لەگەڵ چارەسەری ئاشتییانەدایە

تایبەت

سەردانی دارا خەیلانی بۆ بۆ کونسوڵخانەی فەڵەستین

رۆژی  ۲٠۲۳/۱۱/۲  دارا خەیلانی لێپرسراوی بۆردی پەیوەندییەکانی دەرەوە، سەردانی کونسوڵخانەی فەلەستینی کرد و لە لایەن نەزمی  حەزوری باڵیۆزی دەوڵەتی فەڵەستین پێشوازی گەرمی لێکرا.

لە دیدارەکەدا کە چرۆ سابیر و عیماد فەرهادی ئەندامانی مەکتەب ئامادەیبوون،  گفتوگۆ کرا لەسەر ڕووداوەکانی فەڵەستین و ناوچەکە .

 لێپرسراوی بۆردی پەیوەندییەکانی دەرەوە ڕایگەیاند:" یەکێتیی نیشتمانیی کوردستان هەمیشە لەگەڵ چارەسەری ئاشتیانەیە لە ڕێگەی دیالۆگ و دانوستانەوە ، لە پێناو پاراستنی گیان و ماڵی خەڵکی بێتاوان و  گەڕانەوەی ئاشتی بۆ ناوچەکە" .

ڕاشیگەیاند:" گەلی کورد لە قورسایی دۆخەکە تێدەگات ،چونکە بەدرێژایی مێژوو چەندینجار تووشی کارەسات و نەهامەتی بووە ،  خوازیارین ئەم شەڕە خوێناوییە بە زووترین کات کۆتایی پێ بێت و  ئارامی و ئاسایش بگەڕێتەوە بۆ ناوچەکە". 

 باڵیۆز خۆشحاڵی بە سەردانەکە دەربڕی و جەختیکردەوە لە پتەوکردنی پەیوەندییەکانی نێوان هەردوولا.

PUKMEDIA