د. نەرمین: عیراق داوای گەڕاندنەوەی زیاتر لە 5 ترلیۆن دینار لە هەرێم دەكات
کوردستان 02:09 PM - 2023-09-10د. نەرمین مەعروف
لەكۆی چوار پەرلەمانتاری كورد لە لیژنەی دارایی لەئەنجومەنی نوێنەرانی عیراق، تەنها یەك ئەندام كە لەسەر پشكی یەكێتی بوو بەشداری كۆبوونەوەی وەزیری دارایی و لیژنەی دارایی كرد، ئەندامە بەشداربووەكەش دەڵێت: "بەوتەی وەزیری دارایی، هەرێم قەرزداری عیراقە".
د. نەرمین مەعروف ئەندامی لیژنەی دارایی ئەنجومەنی نوێنەران لە پشكی یەكێتی لەچاوپێكەوتنێكدا لەگەڵ سایتی رەسمی یەكێتیی نیشتمانیی كوردستان PUKMEDIA راگەیاند: "وەزیری دارایی لەكۆبوونەوەی لەگەڵ لیژنەكەمان پێی راگەیاندین، كە شایستە داراییەكانی هەرێم-مان بە زیادەوە ناردووە، چونكە مامەڵەمان لەگەڵ هەرێمی كوردستان لە 6 مانگی یەكەمی ئەمساڵدا بەپێی رێككەوتن بووە نەك یاسای بودجە".
د. نەرمین مەعروف راشیگەیاند: "بەپێی وتەی وەزیری دارایی لە 6 مانگی یەكەمی ئەمساڵدا بەڕێژەی یەك لەسەر دوانزەی رێككەوتنی فیعلی لەگەڵ هەرێم كارمانكردووە، بەپێی ئەو رێككەوتنەش هەرێمی كوردستان تەنها 2 ترلیۆن و 500 ملیار دینار شایستەیەتی، بەڵام بەپێی ئامارەكان لەماوەی ئەو 6 مانگەدا حكومەتی هەرێم بەداهاتی نەوتی و نانەوتی زیاتر لە 8 ترلیۆن دینار داهاتی هەبووە، بۆیە پێویستە حكومەتی هەرێم 5 ترلیۆن و 800 ملیار دینار بگەڕێنێتەوە بۆ حكومەتی ناوەند".
ئەندامەكەی لیژنەی دارایی لەسەر پشكی یەكێتی ئەوەشی خستەڕوو: "وەزیری دارایی و ئەندامانی لیژنەی دارایی لە ئەنجومەنی نوێنەرانی عیراق خوازیاربوون كێشە داراییەكانی نێوان هەولێر و بەغدا چارەسەربكرێن و لەكۆبوونەوەكەدا كە من وەك تاكە كورد بەشداربووم، داوایان كرد، حكومەتی هەرێم پابەندبێت بە رێككەوتن لەگەڵ حكومەتی عیراق و بەپێی یاسا كێشەكان چارەسەر بكرێن، ئێمەش لەكۆبوونەوەكەدا بەرگریمان لەمافەكانی كورد بەپێی یاسا كرد".
دوێنی 9-9-2023 لیژنەی دارایی پەرلەمانی عیراق میوانداری وەزیری دارایی عیراقی كرد سەبارەت بە مووچەی مووچەخۆرانی هەرێم، لەكۆی چوار ئەندامی پشكی كورد لەو لیژنەیە كە بریتین لە د. نەرمین مەعروف لە فراكسیۆنی یەكێتی، د. جەمال كۆچەر لەفراكسیۆنی یەكگرتوو، د. ئیخلاس دلێمی و د. خەلیل دۆسكی لە فراكسیۆنی پارتی، بەڵام تەنها د.نەرمین مەعروف ئامادەیی كۆبوونەوەكە بوو.
PUKMEDIA
هەواڵی زیاتر
-
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
04:34 PM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
10:11 AM - 2024-04-27 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26
ئەمانەش ببینە
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
05:44 PM - 2024-04-27
قائیمقامی چەمچەماڵ: دوو وەفدی هەرێم و عیراق سەردانی کۆرمۆر دەکەن
11:17 AM - 2024-04-27
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
09:51 PM - 2024-04-26
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
زۆرترین خوێنراو
-
سەرۆكکۆمار: عیراق وڵاتی هەمووانە
عیراق 07:22 PM - 2024-04-27 -
شاجوانەکەی خانەقی
بیروڕا 06:22 PM - 2024-04-27 -
چاوێکیشتان لە زۆرینەی فەقیر و فوقەرا بێت
بیروڕا 06:20 PM - 2024-04-27 -
یەمەن ناوی کوژراو و بریندارەکانی کێڵگەی کۆرمۆر ئاشکرا دەکات
جیهان 06:17 PM - 2024-04-27 -
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
جیهان 05:44 PM - 2024-04-27 -
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
جیهان 04:34 PM - 2024-04-27 -
قائیمقامی چەمچەماڵ: دوو وەفدی هەرێم و عیراق سەردانی کۆرمۆر دەکەن
کوردستان 11:17 AM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
کوردستان 10:11 AM - 2024-04-27