كاروان گەزنەیی: هەوڵی تیرۆركردن لە هەڵوێستەكانم ساردم ناكەنەوە
کوردستان 06:07 PM - 2023-05-16كاروان گەزنەیی ئەندامی پەرلەمانی كوردستان لە فراكسیۆنی یەكێتی
كاروان گەزنەیی رایدەگەیەنێت: "هەوڵدان بۆ تیرۆركردنم لەسەر هەڵوێستەكانم بووە لە پەرلەمان، چونكە كێشەی شەخسیم لەگەڵ كەسدا نەبووە و ئەو هەوڵانەش لە خزمەتكردنی هاووڵاتیان ساردم ناكەنەوە" هاوكات داوای بەدەمەوەهاتن لە هەرسێ سەرۆكایەتییەكەی هەرێم دەكات .
كاروان گەزنەیی ئەندامی پەرلەمانی كوردستان لە فراكسیۆنی یەكێتیی نیشتمانیی كوردستان لە كۆنگرەیەكی رۆژنامەوانیدا لەبارەی هەوڵی تیرۆركردنییەوە رایگەیاند: "ئەوكەسانەی تەقەیان لێكردم راهێنراو بوون و بەمەبەستی تیرۆركردنم هێرشیان كردووەتەسەرم، چونكە ئەو گوللانەی بەر ئۆتۆمبێلەكەم كەوتوون بە ئاڕاستەی دانیشتنم بووە لە ئۆتۆمبێلەكەدا".
"سوپاسی هێزە ئەمنییەكان دەكەم كە دوای رووداوەكە دەستبەجێ لیژنەیەكیان پێكهێنا و كامێراكانیان هەڵگرتەوە بەمەبەستی لێكۆڵینەوە و دەستگیركردنی بكەرانی ئەو تاوانە و رووبەڕووكردنەوەیان بە یاسا" كاروان گەزنەیی وایوت.
هەر لە كۆنگرە رۆژنامەوانییەكەدا كاروان گەزنەیی وتی: "تائێستا هۆكاری تەقەلێكردنەكەم نازانم، بەڵام ئەگەر هەوڵی تیرۆركردنم باجی قسەكانم بێت كە لەماوەی پێنج ساڵی رابردوودا لە پەرلەمانی كوردستان كردوومن قبوڵمە، چونكە بۆ خزمەتی خەڵك بووە و ئەو هەوڵە ترسنۆكانەیەش لە هەڵوێستەكانم ساردم ناكەنەوە".
لە كۆتایشدا ئەندامەكەی پەرلەمانی كوردستان لە فراكسیۆنی یەكێتی وتیشی: "لە ئێستا و رابردووشدا هیچ كێشەیەكی شەخسیم لەگەڵ هیچ كەسێكدا نەبووە و پێموایە هەوڵی تیرۆركردنم بۆ ئەو هەوڵانە دەگەڕێتەوە كە لە پەرلەمان بۆ خزمەتی خەڵك داومن، بۆیە داوا لە هەرسێ سەرۆكایەتییەكەی هەرێم و لایەنە ئەمنییەكان دەكەم بەجددی لەسەر ئەم رووداوە بێنە دەنگ و هەوڵی دەستگیركردنی بكەرانی ئەو تاوانە بدەن و روبەڕووی یاسایان بكەنەوە".
شەوی یەك شەممە 14-5-2023، لە بازگەی ئاسایشی كۆیە لەلایەن هێزێكی چەكداری نەناسراو تەقە لە كاروان گەزنەیی ئەندامی پەرلەمانی كوردستان كرا و پاسەوانێكی بریندار بوو.
دواتریش لەبارەی رووداوەكەوە نووسینگەی رۆژنامەوانیی سەرۆكی پەرلەمانی كوردستان راگەیەندراوێكی بڵاوكردەوە و رایگەیاند: "بەتووندی سەركۆنەی رووداوەكە دەكەین و دامودەزگا ئەمنییەكان رادەسپێرین بۆ بەدەمەوەچوونی رووداوەكە و رادەستكردنی تاوانباران بە دادگا لەپێناو پاراستن و گەرەنتیی سەروەریی یاسا و سەروەر راگرتنی حەرەمی بازگەكان كە ئەركیان خزمەتكردنی هاووڵاتییانە پێش پاراستنی گیانی ئەو پەرلەمانتارە و هەر هاووڵاتییەكی دیكە".
هاوكات فراكسیۆنی سەوز لە پەرلەمانی كوردستان ئیدانەی رووداوەكەی كرد و رایگەیاند: "بەتوندی ئەو پەلامارە قێزەونە ئیدانە و ریسوا دەكەین و داواكارین لە لایەنە پەیوەندیدارەكان ھەرچی زووترە تاوانكارانی ئەم كردەوە قێزەونە دەستگیر بكرێن و سزای یاسایی وەربگرن".
تەقەکردن لە پەرلەمانتار کاروان گەزنەیی ئیدانە دەکرێت
PUKMEDIA
هەواڵی زیاتر
-
سالار مەحمود: پەرلەمان بووەتە قوربانی ململانێی نا سیاسی
09:38 PM - 2024-05-03 -
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
06:29 PM - 2024-05-03 -
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
02:32 PM - 2024-05-03
ئەمانەش ببینە
سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
05:23 PM - 2024-05-03
سەرۆک بافڵ و سودانی: یاسا بەرکارەکان هەوێنی تێپەڕاندنی ئاڵنگارییەکان بن
03:22 PM - 2024-05-03
قوباد تاڵەبانی: بەرگریکردن لە ئازادی رۆژنامەگەری پرەنسیپێکی نەگۆڕی ژیانی سیاسیمە
11:43 AM - 2024-05-03
داهاتی هەفتەی رابردووی سلێمانی زیاتر لە 26 ملیار دینارە
08:46 AM - 2024-05-03
زۆرترین خوێنراو
-
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
پرسەنامە 07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
ی ن ک 06:29 PM - 2024-05-03 -
سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
کوردستان 05:23 PM - 2024-05-03 -
سەرۆک بافڵ و سودانی: یاسا بەرکارەکان هەوێنی تێپەڕاندنی ئاڵنگارییەکان بن
کوردستان 03:22 PM - 2024-05-03 -
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
کوردستان 02:32 PM - 2024-05-03 -
پرسەنامەی قوباد تاڵەبانی بۆ خانەوادەی شێخ فەریق تاڵەبانی
پرسەنامە 01:57 PM - 2024-05-03 -
مەکتەبی سکرتارییەت: یەکێتی بە شانازییەوە لە رابردووی تێکۆشەرەکانی دەڕوانێت
ی ن ک 01:56 PM - 2024-05-03 -
سەرۆک بافڵ لەگەڵ سەرۆکوەزیرانی عیراق کۆدەبێتەوە
عیراق 01:22 PM - 2024-05-03