تیرۆر و زیندانی باجی ئازادی رۆژنامەنووسییە لە كابینەی نۆ
کوردستان 05:58 PM - 2023-05-02ئەو کەسانەی لە هەولێر سەریان تاشراوە
دۆخی ئازادی رادەربڕین و رۆژنامەنووسی لە هەرێمی كوردستان لەسایەی حوكمڕانی چەوتدا بەشێوەیەك پاشەكشێی كردووە كە لە راپۆرتە نێودەوڵەتییەكاندا بەشێكی هەرێمەكە وەك دۆزەخی رۆژنامەنووسان و ئازادیخوازان باسدەكرێت.
راپۆرتەكان بەڕوونی باسیان لەوەكردووە كە لەڕووی فەراهەمكردنی ئازادی رادەربڕین و جیاوازی بیروڕا لە نێوان پارێزگاكانی هەرێمی كوردستان، شارەكانی هەولێر و دهۆك پشكی شێری حاڵەتەكانی پێشێلكاری مافی مرۆڤ و ئازادی رادەربڕین و كپكردنی دەنگە ئازادەكانیان بەردەكەوێت كە ئەوەش بۆ باوەڕنەبوونی پارتی دیموكراتی كوردستان دەگەڕێتەوە بە بنەماكانی ئازادی رادەربڕین.
پارتی بڕوای بە ئازادی رادەربڕین نییە
پارتی دیموكراتی كوردستان لەمێژووی سیاسی و حزبی خۆیدا هەرگیز بڕوای بە رێزگرتن لە دەنگە ئازادەكان نەبووە و هەمیشە بەهێز وەڵامی رەخنەی داوەتەوە و كوشتن و ئەشكەنجەدان و سوكایەتی پێكردنی بەرامبەر بە رۆژنامەنووسان و چالاكی و ئازادیخوازانی سنوورەكەی كبەكارهێناوە.
زنجیرەی تیرۆركردنی رۆژنامەنووسان لە شارەكانی هەولێر و دهۆك بەتیرۆركردن رەئوف ئاكرێی رۆژنامەنووس لە ساڵی 1993 دەستپێدەكات و پاشان سەردەشت عوسمان، سۆرانی مامەحەمە، وەداد حسێن، بەژیانی خۆیان باجی ئازادی رادەربڕین و رەخنەگرتنیان لە سیاسەتی چەوت داوە و لەلایەن دەستێكی سەركوتكارەوە كە دژی هەموو ئازادییەكانە تیرۆر كراون.
لە هەولێر سەرتاشین و لێدانی رۆژنامەنووسان و پارێزەران بووە بە رۆتین
پێشتریش شادی نەوزاد ئەندامی لیژنەی مافی مرۆڤ لەپەرلەمانی كوردستان بەسایتی رەسمی یەكێتیی نیشتمانیی كوردستان بە PUKMEDIA ی راگەیاندووە: "كابینەی نۆ زۆرترین بەرپرسیارێتی لەبارەی پێشێلكارییەكان بەرامبەر رۆژنامەنووسان و ئازادی رادەربڕین دەكەوێتە سەرشان زیندووترین نمونەش زیندانیانی بادینانە، بەراورد بە كابینەكانی تر لەكابینەی نۆ-دا بەتایبەت لەشارەكانی دهۆك و هەولێر زۆرترین پێشێلكاری بەرامبەر رۆژنامەنووسان و ئازادی تاك و ئازادی رادەربڕین كراوە".
نەك هەر رۆژنامەنووسان تەنانەت پارتە سیاسییەكانیش ناتوانن ئازادانە لە هەولێر و دهۆك كارەكانیان ئەنجامبدەن و چەندین جار بە سووتاندنی بارەگاكانیان باجی هەڵوێستەكانیان داوە و بنكەی جەماوەری لایەنە ئۆپۆزسیۆنەكانی ئێستا و رابردووی هەرێمی كوردستان لە سنووری چالاكییەكانیشیان ئەو راستییە دەردەخەن كە هەولێر و دهۆك هەرگیز ناوەندێكی ئازاد نەبوون بۆ ئەجامدانی كاری رۆژنامەنووسی و سیاسی و ئازادییەكان لەو دوو شارە بەتەواوی سنووردار كراون و دەنگە ئازادەكان بە زەبری هێز كپكراون.
لە هەولێر و دهۆك رۆژنامەنووس و چالاكوانان بەهۆی نووسینی كۆمێنت و ئەندامبوون لە گروپ چاتی رۆژنامەنووسیدا دەدرێنەدادگا و سزای ناڕەوایان بەسەردا دەسەپێندرێت، لەو دوو شارە سەرتاشین و لێدانی پارێزەران و رۆژنامەنووسان وەك رۆتیناتی لێهاتووە و كەم رۆژ هەیە هەواڵێكی لەو جۆرە نەبیستین.
بەگرتنی بچووكترین رەخنە لە پارتی روبەڕووی تۆمەتی سیخوڕی دەكرێیتەوە
پێشتریش فەهیمە سابیر ئەندامی سەركردایەتی یەكێتیی نیشتمانیی كوردستان لە هەولێر بە PUKMEDIA ی راگەیاندووە: "كاریگەری كابینەی نۆ كە بەكابینەیەكی هەواڵگری ناسراوە هەولێری كردووەتە مەیدانی رووداوە نەخوازراوەكان، لەكاتێكدا دەبێت خەڵكی ئەم شارە خزمەت بكرێن نەك ویستی حزبی و تاكەسییان بەسەردا بسەپێندرێت ".
لەسایەی خراپی حوكمرانی پارتیدا هاووڵاتیانی دهۆك و هەولێر سەرەڕای بێبەشكردنیان لە خزمەتگوزارییەكان مافی ئەوەشیان لێسەندراوەتەوە كە ناڕەزایەتی دەرببڕن ورەخنە لە سیاسەتی پارتی بگرن لەو دوو شارەدا رەخنەگرتن لە پارتی واتە ئەگەری روبەڕووبوونەوەی ئەگەری سەرتاشین و زیندانیكردن و تەنانەت كوشتنیش.
هەركەس لە گوڵ كاڵتر بە دەسەڵاتە خراپەكەی پارتی بڵێت ئەوا دوور نییە بە تۆمەتی سیخوڕی و هەڕەشە بۆسەر ئاسایشی نیشتمانی بدرێتە دادگا و دادگا حزبییەكانیش سكاڵای چەندین ساڵ زیندانی بەسەردا بسەپێنن.
PUKMEDIA
هەواڵی زیاتر
-
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
09:34 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
05:33 PM - 2024-05-18 -
کتێبی شەو لەكێوان ناساندنی بۆ كرا
11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
11:08 AM - 2024-05-18
ئەمانەش ببینە
لەهەڵبژاردنی سەرۆکی پەرلەماندا عیساوی پێش مەشهەدانی کەوت
05:45 PM - 2024-05-18
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
04:10 PM - 2024-05-18
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
12:33 PM - 2024-05-18
شەش ساڵ بەسەر کۆچی دوایی عادل موراد دا تێدەپەڕێت
09:11 AM - 2024-05-18
زۆرترین خوێنراو
-
لەهەڵبژاردنی سەرۆکی پەرلەماندا عیساوی پێش مەشهەدانی کەوت
عیراق 05:45 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
کوردستان 05:33 PM - 2024-05-18 -
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
کوردستان 04:10 PM - 2024-05-18 -
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
کوردستان 12:33 PM - 2024-05-18 -
کتێبی شەو لەكێوان ناساندنی بۆ كرا
کوردستان 11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
ی ن ک 11:08 AM - 2024-05-18 -
ئهنجومهنی نوێنهران بۆ ههڵبژاردنی سهرۆكهكهی كۆدهبێتهوه
عیراق 09:46 AM - 2024-05-18 -
شەش ساڵ بەسەر کۆچی دوایی عادل موراد دا تێدەپەڕێت
کوردستان 09:11 AM - 2024-05-18