گەلاوێژ خان: مام جەلال سەلماندی کەرکوک شارێکی کوردستانییە
کوردستان 09:00 PM - 2023-02-09گەلاوێژ خان
ڕۆژی مورافەعەكە
ئەمڕۆ ڕۆژێكی تری مێژووییە لە لاپەڕە دێرین و زێڕینەكانی ئەم گەلە چەوساوەیەی كە ساڵانێكی دوور و درێژە خەباتی چەكداریی و ڕێكخراوەیی و كەلتووریی و ڕۆشنبیریی بۆ بەدەستهێنانی مافە ڕەواكانی خۆی دەكات، ڕۆژێكی تایبەت كە سەرۆك مام جەلال شۆڕەسواری سەلماندنی كوردستانیبوونی شاری كەركوك-ی قودسی كوردستان بوو.
9ی شوبات، ئەوڕۆژەیە كە وەك لاپەڕەیەكی پرشنگدار لە مێژووی گەلی كوردستان و نەتەوەی كورددا تۆماركرا، ئەوێ ڕۆژەی كە مامی كوردان لەناو كۆمەڵی یار و نەیاردا مورافەعەكەی بەرزكردەوە و لەسەر مێزی كۆبوونەوەیەكی فراوان و بە بەڵگەی مێژوویی سەلماندییەوە كە كەركوك نەك هەر قودسەكەی كوردستانە بەڵكو بەشێكی دانەبڕاوی خاكی باووباپیرانی كوردە و شاری برایەتی و پێكەوەژیانی دانیشتوانە ڕەسەنەكەیەتی.
ئەوەبوو لە 9ی شوباتی 2004دا، مام بە سەلماندنی كوردستانیبوونی كەركوك سنووری باشووری كوردستانی دیاریی كرد و زنجیرە چیا سەركەشەكانی حەمرینی كردە سنووری نێوان كوردستان و عێراق، بەمەیش هێندەی تر پایە مەحكەمەكانی هەرێمی كوردستانی زیاتر چەسپاند و قەوارە سیاسی و جوگرافییەكەی ئەم بەشەی كوردستانی خستە سەر شاڕێی فیدراڵی و جێكردنەوەی لە دەستووری عێراقدا.
مێژوو ئەو حەقیقەتە دەزانێت كە ئەوە یەكەمجار نەبوو مام جەلال جەخت لەوە بكاتەوە كە كەركوك شارێكی كوردستانییە چونكە پێشتریش لە كۆڕ و كۆبوونەوە و دیدارە تایبەت و گشتییەكاندا هەمیشە كەركوك یەكێك بووە لە دروشمە سەرەكییەكانی مامی گەورەمان و لەیەكێك لەو وێستگانەیشدا بەدەنگێكی دلێرەوە دەیگوت و دەیگووتەوە كە (یا كەركوك و خانەقین000یا تاماوین دەجەنگین).
هەر ئەم بڕوا جێگیر و نەگۆڕەیشە كە وایی كردووە مام جەلال بەلای كوردی كەركوك و هەموو پێكهاتە ڕەسەنەكانی دیكەی شارەكەوە، نەك هەر خۆشەویست بێت، بەڵكو پشتوپەنا و پارێزەری ڕاستەقینەیان بێت و ئێستایشی پێوەبێت كەركوكییەكان مام و حزبەكەی مام بە ڕابەری خۆیان دەزانن.
لەم ڕۆژە مێژوویەدا سڵاو بۆ گیانی بەرزی سەرۆك مام جەلال، سڵاو بۆ گیانی شەهیدانی كەركوك و كوردستان، سڵاو بۆ خەڵكی ڕەسەنی ئەو شارەی كوردستان كە ئەگەر دوژمن و ناحەزانی كورد لەبەر سامان و دەوڵەمەندی و داهاتە زۆر و زەوەندەكەی چاوی برسییان تێبڕیبێت، ئەوا مام و حزب و قوتابخانەكەی مام و پێشمەرگە و شەهیدانی كەكوك و كوردستان لەبەر ئەوە شارەكەیان ویستووە و دەوێت كە بەشێكە لە جەستەی كوردستان و مەحاڵە بهێڵین هیچ داگیركەر و دوژمنێكی كورد و كوردستان و پێكەوەژیانی ئاشتییانەی، تێدا بحەوێتەوە.
گەلاوێژ
PUKMEDIA
هەواڵی زیاتر
-
سکاڵای دوو ژنی لەدادگای فیدراڵی کێشرایەوە
08:31 PM - 2024-05-13 -
کارگەیەکی پۆشاکی سەربازی لە سلێمانی دەکرێتەوە
07:48 PM - 2024-05-13 -
حزبی زەحمەتكێشان: هەڵوێستەكانی یەكێتی جێگەی نرخاندنە
02:50 PM - 2024-05-13 -
قوباد تاڵەبانی: کارئاسانی بکرێت بۆ وەبەرهێنەران لە هەڵەبجە
01:04 PM - 2024-05-13
ئەمانەش ببینە
تۆماری بایۆمەتری لەهەرێم دەستپێدەکاتەوە
10:59 AM - 2024-05-14
سەرۆک بافڵ: دژی ئەو هەوڵانە دەوەستینەوە کە دەیانەوێت بەربەست لەبەردەم ئەنجامدانی هەڵبژاردن دروستبکەن
01:15 AM - 2024-05-14
ئاسایش 'دووپشکەکە' لە سلێمانی دەستگیردەکات
03:41 PM - 2024-05-13
ئەنجومەنی نوێنەران وادەیەک بۆ هەڵبژاردنی سەرۆکێکی نوێ دیاریدەکات
02:44 PM - 2024-05-13
زۆرترین خوێنراو
-
ویژدانتان بێت !(ی،ن،ك) خەتابار مەکەن ،
بیروڕا 05:34 PM - 2024-05-13 -
ئاسایش 'دووپشکەکە' لە سلێمانی دەستگیردەکات
کوردستان 03:41 PM - 2024-05-13 -
حزبی زەحمەتكێشان: هەڵوێستەكانی یەكێتی جێگەی نرخاندنە
کوردستان 02:50 PM - 2024-05-13 -
ئەنجومەنی نوێنەران وادەیەک بۆ هەڵبژاردنی سەرۆکێکی نوێ دیاریدەکات
عیراق 02:44 PM - 2024-05-13 -
قوباد تاڵەبانی سەردانی مەڵبەندی ٩ی شارەزووری کرد
ی ن ک 02:21 PM - 2024-05-13 -
قوباد تاڵەبانی: کێشەی مووچە چارەسەر بوو
کوردستان 01:07 PM - 2024-05-13 -
قوباد تاڵەبانی: کارئاسانی بکرێت بۆ وەبەرهێنەران لە هەڵەبجە
کوردستان 01:04 PM - 2024-05-13 -
جێبەجێکردنی بڕیارەکانی دادگای فیدراڵی مەرجە بۆ چارەسەری کێشەی مووچە
کوردستان 12:24 PM - 2024-05-13