قوباد تاڵەبانی: مادەی 140 بابەتی ململانێی سیاسیی نییە
کوردستان 05:12 PM - 2023-02-09قوباد تاڵەبانی سەرپەرشتیاری مەکتەبی سکرتاریەتی سەرۆک مام جەلال
قوباد تاڵەبانی لە شاری کەرکوک لەگەڵ لیژنەی جێبەجێ کردنی ماددەی ١٤٠ی دەستور کۆبووەوە و چۆنیەتی کاراکردنەوەی لیژنەکە و چارەسەرکردنی کێشەکانی بەردەم کارەکانیان تاوتوێ کرا.
لە کۆبوونەوەکەدا کە ئەمڕۆ 9-2-2023 لە کەرکووک بەڕێوەچوو، سەرۆکی دەستەی گشتی ناوچە کوردستانییەکانی دەرەوەی ئیدارەی هەرێم ئامادەیبوو، تاوتوێی کێشەی جووتیارانی کەرکوک و گرێبەستە کشتوکاڵییەکان و چۆنییەتی کار کردن لەسەر جێبەجێ کردنی ماددەی ١٤٠ کرا.
قوباد تاڵەبانی بە وردی گوێی لە داواکارییەکان و کێشەکانی پەیوەست بەم دۆسیەیە گرت و پشتگیری خۆی بۆ چارەسەرکردنی کێشەی گرێبەستە کشتوکاڵییەکان دەربڕی و بیروبۆچوونی خۆی لەو بارەیەوە بۆ لیژنەکە خستەڕوو.
راشیگەیاند: کار بۆ ئەوە دەکەین لە بەغداد جددیتر کارەکان سەرپێ بخرێن بۆ کاراکردنەوەی لیژنەی باڵای ماددەی ١٤٠ و دابینکردنی بودجە بۆ جێبەجێکردنی بۆ ڕاپەڕاندنی کارەکانیان.
هەروەها جەختیشی کردەوە: مادەی ١٤٠ بابەتێکی دەستووریی یەکلاکراوەیە و تایبەتە بە گەڕاندنەوەی ماف بۆ مافخوراوان و ئەوانەی لە سیاسەتەکانی رژێمی پێشوو زەرەرمەند بوون، بۆیە نابێت بکرێتە بابەتی ململانێی سیاسی.
لە کۆبوونەوەکەدا لیژنەکە داوای پشتگیری هەر دوو حکومەتی فیدراڵ و حکومەتی هەرێمیان کرد بۆ جێبەجێ کردنی کارەکانیان، لەلای خۆشییەوە قوباد تاڵەبانی پشتگیری خۆی بۆ دەربڕین.
قوباد تاڵەبانی:بە هەموو توانامانەوە هاوکاری بەردەوامبوونی خوێندنی کوردی لە کەرکوک دەکەین
لەلایەکی ترەوە لە درێژەی سەردانەکەیدا بۆ کەرکوک، قوباد تاڵەبانی سەرپەرشتیاری مەکتەبی سکرتارییەتی سەرۆک مام جەلال، لەگەڵ لیژنەی باڵای پەرەوەردەی کەرکوک کۆبووەوە و دۆخی پەروەردەی کەرکوک و کێشەکانی بەردەم خوێندنی کوردیان لە شارەکەدا تاوتوێ کرد.
لە کۆبوونەوەکەدا، کێشەکانی بەردەم خوێندنی کوردی لە کەرکوک خرانەڕوو و لەوبارەیەوە قوباد تاڵەبانی رایگەیاند: لەگەڵ وەزارەتی پەروەردەی عیراق گفتوگۆ دەکرێت بۆ پرسی رێکخستنەوەی میلاکاتی پەروەردەی خوێندنی کوردی لە هەموو ناوچە دابڕێندراوەکان.
هەروەها پشتگیری خۆی بۆ مامۆستایانی خوێندنی کوردی دووپات کردەوە و رایگەیاند: بە هەموو توانایانەوە هاوکار دەبن بۆ بەردەوامبوون و بەرەوپێشبردنی خوێندنی کوردی لە کەرکوک.
قوباد تاڵەبانی: مامۆستایانی ئاینی لە کەرکوک رۆڵی گرنگیان بینیوە
هاوکات قوباد تاڵەبانی لەگەڵ مامۆستایانی ئاینی شارەکە کۆبووەو رایگەیاند: کەرکوک کە شارێکی فرە پێکهاتەیە، پێویستیی بە بەهێزکردنی گیانی پێکەوەژیانی ئاشتییانەیە.
هەر لە کۆبوونەوەکەدا ئاماژەی بەوەشکرد: وەکچۆن لە هەموو قۆناغەکاندا رۆڵی گرنگتان بینیوە لە پاراستنی ئارامی و سەقامگیری کۆمەڵگادا، لەم قۆناغەشدا لە شاری کەرکوک پێویستە رۆڵی بنەڕەتی ببینن لە بەهێزکردنی گیانی پێکەوەژیانی ئاشتییانە و برایەتی لەنێوان پێکهاتەکانی ئەو شارەدا.
لەبەرامبەریشدا مامۆستایانی ئاینی لە کەرکوک باسیان لە کێشە و گرفتەکانی خۆیان کرد و قوباد تاڵەبانیش بەڵێنی پێدان هەرچییان پێ بکرێت لە خزمەتکردنیان درێغی نەکەن.
PUKMEDIA
هەواڵی زیاتر
-
سکاڵای دوو ژنی لەدادگای فیدراڵی کێشرایەوە
08:31 PM - 2024-05-13 -
کارگەیەکی پۆشاکی سەربازی لە سلێمانی دەکرێتەوە
07:48 PM - 2024-05-13 -
حزبی زەحمەتكێشان: هەڵوێستەكانی یەكێتی جێگەی نرخاندنە
02:50 PM - 2024-05-13 -
قوباد تاڵەبانی: کارئاسانی بکرێت بۆ وەبەرهێنەران لە هەڵەبجە
01:04 PM - 2024-05-13
ئەمانەش ببینە
کوردستان 01:15 AM - 2024-05-14 سەرۆک بافڵ: دژی ئەو هەوڵانە دەوەستینەوە کە دەیانەوێت بەربەست لەبەردەم ئەنجامدانی هەڵبژاردن دروستبکەن
ئاسایش 'دووپشکەکە' لە سلێمانی دەستگیردەکات
03:41 PM - 2024-05-13
ئەنجومەنی نوێنەران وادەیەک بۆ هەڵبژاردنی سەرۆکێکی نوێ دیاریدەکات
02:44 PM - 2024-05-13
قوباد تاڵەبانی: کێشەی مووچە چارەسەر بوو
01:07 PM - 2024-05-13
جێبەجێکردنی بڕیارەکانی دادگای فیدراڵی مەرجە بۆ چارەسەری کێشەی مووچە
12:24 PM - 2024-05-13
زۆرترین خوێنراو
-
ویژدانتان بێت !(ی،ن،ك) خەتابار مەکەن ،
بیروڕا 05:34 PM - 2024-05-13 -
ئاسایش 'دووپشکەکە' لە سلێمانی دەستگیردەکات
کوردستان 03:41 PM - 2024-05-13 -
حزبی زەحمەتكێشان: هەڵوێستەكانی یەكێتی جێگەی نرخاندنە
کوردستان 02:50 PM - 2024-05-13 -
ئەنجومەنی نوێنەران وادەیەک بۆ هەڵبژاردنی سەرۆکێکی نوێ دیاریدەکات
عیراق 02:44 PM - 2024-05-13 -
قوباد تاڵەبانی سەردانی مەڵبەندی ٩ی شارەزووری کرد
ی ن ک 02:21 PM - 2024-05-13 -
قوباد تاڵەبانی: کێشەی مووچە چارەسەر بوو
کوردستان 01:07 PM - 2024-05-13 -
قوباد تاڵەبانی: کارئاسانی بکرێت بۆ وەبەرهێنەران لە هەڵەبجە
کوردستان 01:04 PM - 2024-05-13 -
جێبەجێکردنی بڕیارەکانی دادگای فیدراڵی مەرجە بۆ چارەسەری کێشەی مووچە
کوردستان 12:24 PM - 2024-05-13