تەندروستی عیراق ئاماری نوێی كۆلێرا و تای خوێنبەربوون رادەگەیەنێت

وەزارەتی تەندروستی عیراق رایگەیاند، ئاماری نوێی پەتای كۆلێرا و   تای خوێن بەربوون لە سەرجەم پارێزگاكانی عیراق راگەیاند.

 د.سەیف بەدر وتەبێژی وەزارەتی تەندروستی عیراق لە كۆنفرانسێكی رۆژنامەوانیدا رایگەیاند: ئەمڕۆ شەممە، بنكە تەندروستیەكانی پارێزگاكان 31 حاڵەتی توشبووی بە كۆلێرایان تۆماركرد، هاوكات حاڵەتی توشبوان 18 حاڵەتی لە بەغدا و 13 حاڵەتی لە زیقار تۆماركراوە.

ئاماژەی بەوەشكرد: كۆی هەموو توشبووان بە پەتای كۆلێرا بریتیە لە 406 حاڵەتی توشبوو، كە سێ لەو حاڵەتی گیانلەدەستدان تۆماركراوە كە یەكێ لە بەغدا و دووانی لە كەركوك بووە.

هەر لەو بارەیەوە د.سەیف بەدر سەبارەت بە ئاماری تای خوێن بەربوونیش وتی: حاڵەتەكانی تای خوێن بەربوون لەكاتی بڵاوبوونەوەی لە ناو عیراقدا و تاكو ئێستا 267 توشبوو تۆماركراوە، هاوكات 48 حاڵەتی گیانلەدەستدانیش بوونی بە نەخۆشیەكە بوونی هەبووە.

PUKmedia ئاژانسەكان