تەندروستی سلێمانی بۆ رۆژانی پشووی جەژن ئاگادارییەک بڵاودەکاتەوە

بەڕێوبەرایەتی گشتی تەندروستی سلێمانی ئەمڕۆ پێنج شەممە 7-7-2022، راگەیەندراوێکی بڵاوکردەوە و ئاگاداری هاوڵاتیانی سنووری پارێزگای سلێمانی دەکاتەوە کە  لە رۆژانی پشووی جەژنی قورباندا لە پێشکەشکردنی خزمەتگوزارییە تەندروستییەکان بەردەوامدەبن و سەرجەم نەخۆشخانەکان بەشێوەی ئێشکگر 24 سەعاتە کراودەبن.

دەقی راگەیەندراوەکە:

ئاگادارییەك  لە بەڕێوەبەرایەتی  گشتی تەندروستی سلێمانییەوە بۆ هاوڵاتیانی سنوری پارێزگای سلێمانی،  بەمەبەستی ئامادەکاری و بەردەوامبوون لە پێشکەشکردنی خزمەتگوزاری تەندروستی لە رۆژانی پشووی جەژنی قوربانی پیرۆز،  جگە لەنەخۆشخانە فریاکەوتنەکان سەرجەم نەخۆشخانەو سەنتەرەکانی پێدانی چارەسەری کیمیای و سەنتەری چارەسەر بەتیشكی شێرپەنجەی سەنتەرەکانی شوشتنی گورچیلە  وەتیمەکانی (چاودێری تەندروستی ،پشکنینی ئاو ، نەخۆشیە گوازراوەکان) بەردەوام دەبن لەپێشکەشکردنی خزمەتگوزاری تەندروستی  بەشێوەی ئێشکگر  ئەمە جگە لەوەی هەریەک لە کلینیکە راوێژکارییەکانی تایبەت بەپشکنینی کۆرۆنا کراوەدەبن.

داوا لەهاوڵاتیانی بەڕێزیش دەکەین لەکاتی  بونی هەر حاڵەتێکی  کتوپڕدا دەتوانن پەیوەندی بە سەنتەری فریاکەوتنی خێرای تەندروستی  ژمارە  122 بکەن.

❶:- ویب سایت فەرمی ب.گ.تەندروستی سلێمانی 

❷:- چەناڵی ڤایبەر لەڕێگای ئەم لینکەوە

PUKmedia بەڕیوبەرایەتی گشتی تەندروستی سلێمانی