بۆ یه‌كه‌مینجار نه‌شته‌رگه‌رییه‌ك له‌نه‌خۆشخانه‌ی دوكان ئه‌نجامده‌درێت

بۆ یه‌كه‌مینجار نه‌شته‌رگه‌رییه‌كی تایبه‌ت به‌ لابردنی سپڵ له‌نه‌خۆشخانه‌ی گشتی قه‌زای دوكان ئه‌نجامدرا.

دكتور هه‌ردی سیروان به‌ڕ‌ێوه‌به‌ری گشتی نه‌خۆشخانه‌ی گشتی  دووكان به‌ PUKmedia ی راگه‌یاند: توانرا بۆ جاری یه‌كه‌م له‌نه‌خۆشخانه‌ی گشتی دوكان نه‌شته‌رگه‌ریه‌كی گه‌وره‌یه‌ له‌ لایه‌ن دكتۆر دیار حه‌سه‌ن قه‌ره‌داغی و پزیشكی بێ ھۆشكار د. عه‌تار عه‌بدولكه‌ریم و تیمێك كارمه‌ندی چالاكی ھۆڵی نه‌شته‌رگه‌ریه‌كی تایبه‌ت ئه‌نجامبدرێت.

وتیشی: نه‌شته‌رگه‌رییه‌كه‌ بێ به‌رامبه‌ر بۆ نه‌خۆشه‌كه‌ ئه‌نجامدراوه‌و  ئه‌گه‌ر نه‌شته‌رگه‌ریه‌كه‌ له‌ نه‌خۆشخانه‌ی تایبه‌ت بوایه‌ بێگومان پاره‌یه‌كی زۆری تێده‌چوو.

ئه‌وه‌شی خسته‌ڕوو: سوپاس بۆ خوا نه‌شته‌رگه‌ریه‌كه‌ به‌ سه‌ركه‌وتوویی ته‌واو بوو و له‌ ئێستادا دۆخی ته‌ندروستی نه‌خۆشه‌كه‌ جێگیره‌ .

PUKmedia  بێستون شاره‌ستێنی/ قه‌زای دوكان