عیراق.. 21 حاڵه‌تی نوێی كۆلێرا تۆمار ده‌كرێت

ئه‌مڕۆ یه‌كشه‌ممه‌ 3-7-2022، وه‌زاره‌تی ته‌ندروستی عیراق رایگه‌یاند، 21 حاڵه‌تی نوێی توشبووی په‌تایی كۆلێرا له‌چه‌ند پارێزگایه‌كی عیراق تۆمار كراون.

د.ره‌با فه‌لاح حه‌سه‌ن ئه‌ندامی تیمی راگه‌یاندنی وه‌زاره‌تی ته‌ندروستی عیراق به‌ PUKmedia ی راگه‌یاند: 21 حاڵه‌تی نوێی توشبوو به‌ كۆلێرا تۆماركراون،  هاوكات له‌و ژماره‌یه‌ (كه‌ركوك 10 حاڵه‌ته‌، زیقار 7 حاڵه‌ته‌، به‌غدا 2 حاڵه‌ته‌، ره‌سافه‌ 1 حاڵه‌ته‌، كه‌رخ 1 حاڵه‌ته‌، واست-یش 1 حاڵه‌ت) تۆمار كراون.

وتیشی: كۆی ژماره‌ی توشبووان به‌ په‌تایی كۆلێرا بریتییه‌ له‌ 260 حاڵه‌ت كه‌ دوو حاڵه‌تی مردنیش تۆماركراون، یه‌كێكیان له‌ به‌غدا و ئه‌وه‌ی دیكه‌ی له‌ كه‌ركوكه‌.

ره‌با فه‌لاح ئه‌وه‌شی خسته‌ڕوو: سێ حاڵه‌تی نوێ و حاڵه‌تێكی گیانله‌ده‌ستدان به‌ په‌تایی تایی خوێن به‌ربوون تۆماركرا، هاوكات ئاماری توشبووانی ئاشكراكرد كه‌ بریتییه‌ له‌ 230 حاڵه‌تی توشبوو و 38 حاڵه‌تی گیانله‌ده‌ستدان.

PUKmedia تایبه‌ت