کەرکوک.. فەرمانگەی تەندروستی هۆشداری ئەدا

فەرمانگەی تەندروستی کەرکوک هۆشداری ئەدا لەبارەی تووشبوان بە کۆرۆنا وپەتای کولیراو پەتای تای خوێنەبەربوون و رایدەگەینێت بەشێوەیەکی بەرچاو ژمارەی تووشبوان رووی لەهەڵکشانکردووە و دەبێت هاوڵاتیان پابەندی رێنمایە تەندورستیەکان بن.

لەو بارەیەوە دکتۆر بەدر محەمەد .بەرپرسی هۆبەی چالاگیەکان لەفەرمانگەی تەندروستی کەرکوک بە PUKmediaی راگەیاند، ژمارەی تووشبوان بەهەرسێ پەتاکە رووی لەهەڵکشان کردووە بۆیە بە باشمان زانی چەندین کۆرو وسیمیناری تایبەت بە چۆنێتی خۆپاراستن لەو پەتایانە بخەینە روو لە رێگەی کۆرو سیمینارو پۆستەرەوە ولەمرۆە دەستمان پێکردووە.

ئاماژەی بۆ ئەوەشکرد گەر هاوڵاتیان پابەندی رێنمایە تەندروستیەکان نەبن ئەوە رەنگە دۆخەکە لەکۆنتڕوڵ دەرچێت هەرچەندە ئێستا رێژەی تووشبووان زۆر زیادی کردووە و رۆژانە روو لەهەڵشکانە، بۆیە داوا لە هاوڵاتیان دەکەین روونەکەنە مەلەوانگەکان وگۆشتی ئاژەڵ بەکەمی بەکار بهێنن دڵنیابن لە پاکی گۆشتەکە و بۆخۆپاریزی لە کۆرۆناش هەمان رێنمایەکانی پێشوو جێبەجی بکەن وخۆیان بە ڤاکسینەکە بکوتن.

PUKmedia ئازاد شکور