شەپۆلێكی نوێی كۆرۆنا دووبارە نەخۆشخانەكان دەكاتەوە

پاش كۆتایی هاتنی شەپۆلی چوارەمی كۆرۆنا و داخستنی نەخۆشخانەی ژیان، دووبارە نەخۆشخانەكە لە رانیە بەرووی نەخۆشانی كۆرۆنا كرایەوە.

سەرهەڵدانی شەپۆلی نوێی كۆرۆنا دووبارە نەخۆشخانەكان بەمەبەستی چارەسەركردنی تووشبوانی ڤایرۆسی كۆرۆنا دەكاتەوە، هاوكات لە ئێستادا  قەزای رانیە یەكەم حاڵەتی نوێی ڤایرۆسی كۆرۆنا رەوانەی نەخۆشخانەی ژیان كرا.

 نەخۆشەكە نیشانە توندەكانی ڤایرۆسی كۆرۆنای هەیە و داخڵی نەخۆشخانەكە كراوە و لەژێر چاودێری چڕی پزیشكدایە.

جێی ئاماژەیە تاكو ئێستا ڤایرۆسەكە لە نێو مرۆڤایەتیدا ماوە بۆیە ئاگاداری هاووڵاتیان دەكرێتەوە كە پابەندی رێنەمایەكانی تەندروستیبن تاكو پارێزراوبن لە پەتای كۆرۆنا. 

PUKmedia موحەمەد رەسول