فیلمی شەوباش پێشمەرگە لە فەڕەنسا نمایش دەكرێت
کوردستان 08:51 PM - 2022-06-29
فیلمی سینەمایی "شەوباش پێشمەرگە" لە دەرهێنانی سینەماكاری كورد "هونەر سەلیم" و بە ڕۆڵ بینینی چەندین ئەكتەری كورد لە سینەماكانی وڵاتی فەڕەنسا نمایش دەكرێت.
نمایشی گشتی فیلمی سینەمایی "سڵاو پێشمەرگە" Goodnight, Soldier دوایین بەرهەمی بڵندی سینەماكاری ناوداری كورد "هونەر سەلیم"، لە نووسینی هاوبەشی سیناریۆی "هونەر سەلیم" Huner Saleem و "وڕونیك وۆتریچ"، بە بەڕێوەبەری وێنەگرتنی "رۆبێرت ئەلازرێكی" و بە ڕۆڵ بینینی چەندین ئەكتەری كورد، لەوانە: "دێلین دوگەر" Dilin Doger، "گەلیار نێروەیی" Galyar Nerway، "بارزان شاسوار"، "بەكر مەعرووف"، "شادیانە مورادی"، "ئالەند حازم"، "عومەر تۆڤی"، "لەیلا گۆرمێن"، "ڕێكێش شەهباز".
ڕۆژی چوارشەمە 29ی جوونی 2022 لە سینەماكانی شاری پاریس دەستپێدەكات و لە درێژەدا لە شارە جۆراوجۆرەكانی وڵاتی فەڕەنسا نمایش دەكرێت.
نمایشی تایبەتی ئەم فیلمە كوردییە ڕۆژی دووشەمە 27ی جوونی 2022 بە ئامادەبوونی هەندێك لە ستافی فیلمەكە لە شاری پاریسی پایتەختی وڵاتی فەڕەنسا بەڕێوەچوو و لە لایەن هۆگرانی هونەری سینەماوە پێشوازیی لێكرا.
"شەوباش پێشمەرگە" تا ئێستا لە فێستیڤاڵی نێودەوڵەتی فیلمی "مووڤ" Mooov لە وڵاتی بەلژیكا و لە فێستیڤاڵی نێودەوڵەتی فیلمی "گۆرینچێم" Gorinchem لە وڵاتی هۆڵەندا نمایش كراوە.
"هونەر سەلیم" تا ئێستا دەرهێنانی بۆ چەندین بەرهەمی بڵندی سینەمایی ئەنجامداوە، لەوانە: فیلمی سینەمایی "ڤوودكا لێمۆن" Vodka Lemon لە ساڵی 2003، فیلمی سینەمایی "كیلۆمەتر زێڕۆ" Kilomètre Zéro لە ساڵی 2005، فیلمی سینەمایی "دۆڵ" Dol لە ساڵی 2007، فیلمی سینەمایی "لە ژێر سەربانەكانی پاریس" Sous les toits de Paris لە ساڵی 2007، فیلمی سینەمایی "ئەگەر نەمری، دەتكووژم" Si tu meurs, je te tue لە ساڵی 2011، فیلمی سینەمایی "تاڵ، شیرین، نیشتمانم" My Sweet Pepper Land لە ساڵی 2013، فیلمی سینەمایی "جلی تەنگ" Tight Dress لە ساڵی 2016، فیلمی سینەمایی "لێدی وینسلی" Lady Winsley لە ساڵی 2019 .
هەندێك لە ستافی ئامادەكردنی فیلمی سینەمایی "شەوباش پێشمەرگە" بریتین لە: دەرهێنەر، هونەر سەلیم نووسەرانی هاوبەشی سیناریۆ، هونەر سەلیم و وڕونیك وۆتریچ Véronique Wüthrich، بەڕێوەبەری وێنەگرتن، رۆبێرت ئەلازرێكی Robert Alazraki، مۆنتاژ، سیلڤیا لاندرا Sylvie Landra، مۆسیقا، پاسكال لافا Pascal Lafa، دەنگهەڵگر، ئۆزگۆر ئۆزدێن Özgür Özden، دیزاینی سەحنە، عەمار تەمەر Amar Tamar، دیزاینی جلووبەرگ، سێلدا دۆڕنا Selda Durna، بەرهەمهێنەر، ماڕك بۆردۆر Marc Bordure، رۆبێرت گۆدیگۆیا Robert Guédiguia و هونەر سەلیم، بەرهەمی كۆمپانیای سینەمایی "ئاگات فیلم" Agat Films، بەرهەمی ساڵی 2022.
PUKmedia مەنسوور جیهانی
هەواڵی زیاتر
-
تیرۆرستێک دەستگیردەکرێت
11:39 PM - 2024-05-06 -
دوو ئەمیر و 5 تیرۆریست لەسلێمانی و هەڵەبجە دەستگیرکران
09:20 PM - 2024-05-06 -
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
06:19 PM - 2024-05-06 -
ئامادەکارییەکان بۆ هەڵبژاردن لە هەولێر بەردەوامە
04:57 PM - 2024-05-06
ئەمانەش ببینە
قوباد تاڵەبانی: توانای مرۆیی باشمان هەیە و رێکنەخراوە
06:31 PM - 2024-05-06
سەرۆک بافڵ گەیشتە واشنتن
06:23 PM - 2024-05-06
ئاگر زیانی ملیۆنان دۆلار لە كاسبكارانی هەولێر دەدات
12:17 PM - 2024-05-06
سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
01:42 PM - 2024-05-05
زۆرترین خوێنراو
-
قوباد تاڵەبانی: توانای مرۆیی باشمان هەیە و رێکنەخراوە
کوردستان 06:31 PM - 2024-05-06 -
سەرۆک بافڵ گەیشتە واشنتن
کوردستان 06:23 PM - 2024-05-06 -
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
کوردستان 06:19 PM - 2024-05-06 -
ئامادەکارییەکان بۆ هەڵبژاردن لە هەولێر بەردەوامە
کوردستان 04:57 PM - 2024-05-06 -
گومان بەسەر ئاگرەكەی قەیسەریدا زاڵ دەبێت
کوردستان 03:40 PM - 2024-05-06 -
مەکتەبی سکرتارییەت: سامان گەرمیانی وەک قارەمانێک بەشێک بووە لە سەرکەوتنەکان
ی ن ک 01:43 PM - 2024-05-06 -
کۆمسیۆن دەستیکرد بە چاپکردنی وەرەقەی دەنگدان
کوردستان 01:11 PM - 2024-05-06 -
بایەخی سەردانی سەرۆك بافڵ بۆ ئەمریكا
بیروڕا 12:31 PM - 2024-05-06