عیراق شەپۆلی پێنجەمی كۆرۆنا رادەگەیەنێت

ئەمڕۆ چوار شەممە 29-6-2022 وەزارەتی تەندروستی عیراق رایگەیاند، حاڵەتەكانی كۆرۆنا لە سەرجەم پارێزگاكانی عیراق رووی لە زیادبوون كردووە. 

لەوبارەیەوە وەزارەتی تەندروستی عیراق رایگەیاند: تاقیگە پزیشكییەكان لەماوەی 24 سەعاتی رابردوودا دوو هەزار و 538 حاڵەتی كۆرۆنایان لە سەرجەم پارێزگاكانی عیراق  تۆماركردووە.

وەزارەتی تەندروستی ئەوەشی خستووەتەڕوو:  675 حاڵەت چارەسەریان بۆ كراوە، هاوكات دوو حاڵەتی گیانلەدەستدانیش تۆماركراوە.

ئەمەش لە كاتێكدایە هەفتەی رابردوو وەزارەتی تەندروستی عیراق شەپۆلی پێنجەمی كۆرۆنای راگەیاند. 

PUKmedia راگەیاندنی وەزارەتی تەندروستی عیراق