چۆن چاره‌سه‌ری خوێن به‌ربوونی لووت ده‌كه‌ین ؟

لووت له‌كۆمه‌ڵێك خوێنبه‌ر و خوێنهێنه‌ر پێكدێت كه‌ ده‌كه‌ونه‌ به‌شی پێشه‌وه‌ یاخود به‌شی دواوه‌ی لووت، خوێن به‌ربوونی لووت دوو جۆری هه‌یه‌ ئه‌وانیش :
1- خوێن به‌ربوونی به‌شی پێشه‌وه‌ی لووت : كه‌ ئه‌و خوێن به‌ربوونه‌ی لووتیش برینداربوونی ئه‌و خوێنبه‌ر و خوێنهێنه‌رانه‌ ده‌گرێته‌وه‌ كه‌ ده‌كه‌ونه‌ به‌شی پێشه‌وه‌ی لووت كه‌ ئه‌مه‌یان زۆر مه‌ترسیدار نیه‌. 
2- خوێن به‌ربوونی به‌شی دواوه‌ی لووت : كه‌ ئه‌و خوێن به‌ربوونه‌ی لووتیش برینداربوونی ئه‌و خوێنبه‌ر و خوێنهێنه‌رانه‌ ده‌گرێته‌وه‌ كه‌ ده‌كه‌ونه‌ به‌شی پشته‌وه‌ی لووت كه‌ ئه‌مه‌یان مه‌ترسیداره‌ چونكه‌ خوێن ده‌چێته‌وه‌ ناو قوڕگ. 
كۆمه‌ڵێك هۆكار هه‌ن كه‌ به‌هۆیانه‌وه‌ لووت تووشی خوێن به‌ربوون ده‌بێت له‌وانه‌ش...
1- كه‌شو هه‌وایه‌كی ووشك : چونكه‌ كه‌ش و هه‌وای ووشك ده‌بێته‌ هۆی ووشكبوونه‌وه‌ی په‌رده‌ی لووت و به‌م ووشكبوونه‌وه‌یه‌ش په‌رده‌ی لووت توێكڵ هه‌ڵده‌دات و ده‌خورێت له‌كاتی خوراندنی لووتیش ڕووشان و برینداربوون ڕووده‌دات. 
2- ئازاردانی لووت له‌كاتی خاوێنكردنه‌وه‌دا. 
3- حه‌ساسیه‌تی لووت. 
4- به‌كارهێنانی ڕێژه‌یه‌كی زۆر له‌ ئه‌سپرین. 
5- به‌رزبوونی په‌ستانی خوێن. 
6- شێرپه‌نجه‌. 
ئه‌و جۆره‌ی خوێن به‌ربوونی لووت كه‌ پێویست به‌ چوون بۆ لای دكتۆر ناكات بریتیه‌ له‌ ( خوێن به‌ربوونی به‌شی پێشه‌وه‌ی لووت ) كه‌ ته‌نها ( 10 ده‌قیقه‌ ) ده‌ستت بخه‌ره‌ سه‌ر لووتت یاخود به‌فر بخه‌ سه‌ری ده‌بینیت پاش ماوه‌یه‌ك خوێن به‌ربوونه‌كه‌ ده‌وه‌ستێت به‌ڵام جۆری دووه‌می خوێنبه‌ربوونی لووت كه‌ له‌ به‌شی دواوه‌ی لووت ڕووده‌دات پێویسته‌ سه‌ردانی پزیشكی پسپۆڕ بكرێت بۆ ئه‌وه‌ی چاره‌سه‌ر وه‌ربگریت. 

PUKmedia  ئاماده‌كردنی / ژیار حسێن وسو  
به‌كالۆریۆس له‌كۆلێژی په‌رستاری