ئامادەكاری بۆ تاقیكردنەوەكانی پۆلی 12 دەكرێت

وەزارەتی پەروەردە سەرجەم ئامادەكاریەكانی بۆ تاقیكردنەوەی پۆلی دوانزەی ئامادەیی كردووە، كە 107هەزار و 130 خوێندكار تێیدا بەشداری دەكەن .

لەبارەی تاقیكردنەوەكانەوە  سەیوان عەلی بریكاری وەزارەتی پەروەردەی حكومەتی هەرێم لە كۆنگرەیەكی رۆژنامەوانیدا كە پەیامنێری  PUKmedia ئامادەیبوو رایگەیاند: رۆژی دووشەممە 27-6-2022، تاقیكردنەوەی پۆلی دوانزەی ئامادەیی بەبەشداری 107 هەزار  130خوێندكاری سەرجەم بەشەكان بەڕێوەدەچێت و  ئامادەكاری پێویستمان كردووە  بۆ ئەوەی پرۆسەكە بەسەر كەوتوویی بەڕێوەبچێت. 

لای خۆشیەوە  نوردین عوسمان بەڕێوەبەری گشتی ئەزموونەكان رایگەیاند: تاقیكردنەوەكان سەعات 7:30 دەقیقە دەست پێدەكەن و پێویستە خوێندكاران پێداویستییە سەرەكییەكان لەگەڵ خۆیاندا ببەن بۆ هۆڵەكانی تاقیكردنەوە . 

هەر لەوبارەیەوە هەردی مەعروف بڕیاردەری لیژنەی باڵای ئەزمونەكان ئەوەی خستەروو، هەموو هۆڵەكانی تاقیكردنەوە بە پێی ژمارەی خوێندكاران لاپەرەی پرسیاریان بۆ دەچێت و ناوی چواری خوێندكار لەسەر پەرەی پرسیار نوسراوە، پێویستە خوێندكار ئاگاداری ناوی تەواوەتی خۆی بێت.

PUKmedia سەرباز محەمەد