پزیشكێك هۆكاری سەرەكی بڵاوبونەوەی كۆلێرا ئاشكرا دەكات
کوردستان 10:28 PM - 2022-06-20
پزیشكێكی نەخۆشخانەی شەهید د.هێمن كە تایبەت كراوە بەچارەسەركردنی نەخۆشخانی سكچون و رشانەوەو كۆلێرا رایدەگەیەنێت: رۆژ بەڕۆژ ژمارەی نەخۆشخانی سكچون و رشانەوە زیاتر دەبێت و هۆكاری سەرەكی بڵاوبونەوەی كۆلێراش ئاوی پیس و خواردنی پیسە.
د.هێرش حەیدەر پزیشكی پایە بڵندی هەناوی لەنەخۆشخانەی شەهید د.هێمن كە تایبەت كراوە بەچارەسەركردنی نەخۆشخانی سكچون و رشانەوەو كۆلێرا، لەبارەی زیادبونی ژمارەی توشبوان بەسكچون و رشانەوە لەنەخۆشخانەكانی سلێمانی بە PUKmediaی راگەیاند: ژمارەی توشبوان زۆرەو وەك وەزارەتی تەندروستی رایگەیاندووە رۆژ بە رۆژ رێژەكە زیاتر دەبێت و تەنها دوێنێ لە ماوەی 24 سەعاتدا 625 كەس داخڵی نەخۆشخانەكان كراون.
وتیشی: بەپێی داتاكان تەنها لەماوەی 6 رۆژدا زیاتر لە 4 هەزار توشی نەخۆشی سكچون و رشانەوە بوون و سەردانی نەخۆشخانەكانیان كردوە، بۆیە تا دێت ئامارەكان روو لەزیادبونەوە.
ئەو پزیشكەی باسی لەوەشكرد: ناتوانین رێژەیەكی دیاریكراو دابنێن بۆ داخڵبوونی رۆژانە لەنەخۆشەكان، چونكە رۆژێك بۆ رۆژێكی تر جیاوازە، بەڵام رێژەكە بەردەوام لە بەرزبوونەوەدایە.
ئەو پزیشكەی نەخۆشخانەی شەهید د.هێمن تایبەت بەچارەسەری نەخۆشانی سكچون و رشانەوە دەشڵێت: نەخۆشەكان پۆڵێن دەكرێن بۆ سێ بەش، بەشێكیان گەنجن، چارەسەری پێویست وەردەگرن و دەچنە ماڵەوە، بەشێكی تریان داخڵ دەكرێن و بۆ چەند سەعاتێك چارەسەر وەردەگرن، بەشێكیشیان پێویستیان بەمانەوەیە لەنەخۆشخانەكان.
ئەوەشی خستەڕوو: جیاوازی ئەم سكچونە لە سكچونەكانی تر ئەوەیە وشكبونەوەیەكی زۆر دروست دەكات، لە ماوەی زۆر كەمدا زیاد لە 5 تا 6 لیتر شلەی لەش دەچێتە دەرەوە، ئەمەش بەكاتی سستی گورچیلەكان دروست دەكات، ئەگەر فریا نەكەویت ئەوا كاریگەری خراپتری دەبێت.
د.هێرش حەیدەر ئەوەشی وت: نەخۆشخانەكان ئامادەن بۆ وەرگرتنی نەخۆش و ئەگەر لەو نەخۆشخانەی ئێستا تەرخانكراون جێگا نەمێنێت، ئەوا نەخۆشخانەی تری ئامادەكراو هەیە.
لەبارەی بڵاوبوونەوەی كۆلێراش وتی: یەكەم جار نییە كۆلێرا بڵاوببێتەوە، بەڵام هۆكاری سەرەكی بڵاوبونەوەی لە ئاوی پیس و خواردنی پیسە، دەبێ ئەم دوو سەرچاوە كەم بكرێتەوە، هاووڵاتیانیش پابەندبن بەخۆپارێزییەوە، دوور بكەونەوە لە ئاوی پیس و خواردنی پیس بەو شێوەیە دەتوانین رێژەكە كەمتر بكەینەوە، چونكە كۆلێرا چەند جارێكی تر بڵاو بووەتەوە وەكو ساڵی 2009 و ساڵی 2012 بڵاوبوەتەوە، چارەسەرەكەش ئەوەیە دەبێت سەرچاوەی ئاو و خواردنەكە كۆنتڕۆڵ بكرێت ئەوكات كۆلێرا دەتوانرێت كۆنتڕۆڵ بكرێت و رێژەی توشبوون كەمبكرێتەوە.
دەشڵێت: هەر نەخۆشێكی توشبوو بەكۆلێرا دوای وەرگرتنی چارەسەریش تا 14 رۆژ كۆلێر لە پیساییەكەیدا دەمێنێتەوەو دەتوانێت بڵاوی بكاتەوە.
PUKmedia تایبەت
هەواڵی زیاتر
-
شاڵاو کۆسرەت رەسوڵ سەردانی ژمارەیەک کەسایەتی ناسراو دەکات
09:47 PM - 2024-04-30 -
مەکتەبی سیاسی: کرێکاران لەنێو كاروانی بزوتنەوەی كوردایەتییدا پێشەنگ بوون
08:50 PM - 2024-04-30 -
قوباد تاڵەبانی: هەر هەوڵێک بۆ دواخستنی هەڵبژاردن رەتدەکەینەوە
05:41 PM - 2024-04-30 -
چوار باڵیۆزی نوێ لهعیراق دهستبهكار دهبن
04:48 PM - 2024-04-30
ئەمانەش ببینە
عیراق رۆژانە 720 تۆن غازی ماڵان بۆ هەرێم دەنێرێت
04:39 PM - 2024-04-30
مهكتهبی سیاسی كۆدهبێتهوه
03:50 PM - 2024-04-30
دارایی هەرێم چاوەڕوانی پارەیە بۆ مووچەی مانگی نیسان
02:57 PM - 2024-04-30
شەڕی یاسایی بۆ گەڕاندنەوەی موڵک و ماڵی کەرکوک دەکرێت
11:01 AM - 2024-04-30
زۆرترین خوێنراو
-
مهكتهبی سیاسی كۆدهبێتهوه
کوردستان 03:50 PM - 2024-04-30 -
مەکتەبی سکرتارییەت: لە خزمەتی شۆڕشگێڕانی گەلەکەماندا دەبین
ی ن ک 03:01 PM - 2024-04-30 -
دارایی هەرێم چاوەڕوانی پارەیە بۆ مووچەی مانگی نیسان
کوردستان 02:57 PM - 2024-04-30 -
پرسەنامەی سەرۆک بافڵ بۆ خانەوادەی مامۆستا کامیل ژیر
پرسەنامە 02:07 PM - 2024-04-30 -
کۆمپانیای ئاسیاسێڵ و هواوی سەرقافڵەی وەرچەرخانی کەرتی پەیوەندییەکانن لە عێراق
کوردستان 12:24 PM - 2024-04-30 -
پرسەنامەی قوباد تاڵەبانی بۆکۆچیدوایی خاتوو ئازیز
پرسەنامە 12:07 PM - 2024-04-30 -
هاوخەمی قوباد تاڵەبانی بۆکۆچیدوایی کامیل ژیر
پرسەنامە 12:05 PM - 2024-04-30 -
هاوخەمی قوباد تاڵەبانی بۆکۆچیدوایی حاجی حامید
پرسەنامە 12:01 PM - 2024-04-30