سێ زیندانی بەهۆی سكچوون و رشانەوەوە گیانیانلەدەستدا

لە بەرێوەبەرایەتی چاكسازی گەورانی سلێمان سێ زیندانی بەھۆی پەتای سكچوون و رشانەوەوە  گیانیانلەدەستدا.

سەرچاوەیەك لە بەرێوەبەرایەتی چاكسازی گەورانی سلێمانی بە كوردسات نیوزی راگەیاند: ئەمڕۆ سێ زیندانی بەھۆی سكچون و رشانەوە گیانیان لەدەست داوە و رۆژی ھەینی و شەممەش دوو سزادراوی تر بەھەمان ھۆكار گیانیان لە دەستداوە.

سەرچارەكەی چاكسازی گەورانی سلێمانی وتیشی، زیندانییەكان نەخۆشی درێژخایەنیان ھەبووە.

ئەمەش لە كاتێكدایە ماوەيەكە پەتای سكچوون و رشانەوە لە سلێمانی بڵاوبووەتەوە و بەھۆیەوە تەندروستی سلێمانی بۆ رێگریكردن لە پەتاكە چەنین رێكاری گرتووەتەبەر و ھەر ھەمڕۆش بەرێوەبەری گشتی تەندروستی سلێمانی ئاشكرایكرد كە چەندین حاڵەتی توشبوون بە كۆلێرا لە سلێمانی تۆماركراوە.

PUKmedia كوردسات نیوز