بەریتانیا.. سەدان حاڵەتی تووشبوون بە ئاوڵەی مەیموون تۆمار دەكرێت

بەرپرسانی تەندروستی بەریتانیا ڕایانگەیاند: 50 حاڵەتی دیكەی تووشبوون بە پەتای ئاوڵەی مەیموون لەو وڵاتە تۆمار كراوە.

ئاژانسی ئاسایشی تەندروستی بەریتانیا لەڕاگەیەنراوێكدا ڕایگەیاندووە كە 50 حاڵەتی تازەی تووشبوون بە پەتای ئاوڵەی مەیموون لەو وڵاتە تۆماركراوە و بەمشێوەیە ڕێژەی تووشبوان بە ئاوڵەی مەیموون لە بەریتانیا گەیشتە 573 حاڵەت.

ئاژانسەكە ئاماژەی بەوەشكردووە كە زۆربەی تووشبووان لە ڕەگەزی نێرن و لەناو هاوڕەگەزەكان تەشەنەی كردووە. 
 PUKmedia  ئاژانسەكان