هۆكاری بڵاوبوونەوەی سكچوون و ڕشانەوە لە سلێمانی ئاشكرا دەكرێت
کوردستان 11:35 AM - 2022-06-19
بەمەبەستی دانانی میكانیزمێكی گونجاو بۆ بەرەنگاربوونەوەی پەتای سكچوون و ڕشانەوە كۆبوونەوەیەكی تەندروستی بە ئامادەبوونی د. سەباح هەورامی بەڕێوەبەری گشتی تەندروستی سلێمانی و ژمارەیەك لە پزیشكانی هەناوی و پزیشكانی دەرەوەی سلێمانی و پزیشكانی هەناویی لە كەرتی تایبەت كۆبوونەوەیەك لە نەخۆشخانەی شار بەڕێوەچوو.
لەوبارەیەوە د. سەباح هەورامی بەڕێوەبەری گشتی تەندروستی سلێمانی لە كۆنگرەیەكی ڕۆژنامەوانیدا ڕایگەیاند: لە كۆبوونەوەكەدا باسمان لەوە كرد كە هەموو پزیشكان لە هەموو بەشە جیاوازەكان لەسەر یەك پرۆتۆكۆڵ چارەسەری نەخۆش بكەن و ئەو پرۆتۆكۆڵەش ڕێكخراوی تەندروستی جیهانی دایناوە و وەزارەتی تەندروستی عیراق بۆ وەزارەتی تەندروستی هەرێمی ناردووە و ئەوانیش بۆ ئێمەیان ناردووە و هەمومان بە یەك شێوە لە هەر كوێ بین لەسەر هەمان پرۆتۆكۆڵ چارەسەری نەخۆشەكان دەكەین.
د. سەباح هەورامی وتیشی: هەر لە كۆبوونەوەكەدا گفتوگۆیەكی زانستیمان لەبارەی پەتای سكچوون كرا و ئەگەر ئەو پەتایە كۆلێرا بێت پێویستە چ ڕێكارێك بگیردرێتەبەر، هەموو ئەو ڕێكارە زانستیانەی كە پێویستە بۆ بەرەنگاربوونەوەی پەتای كۆلێرا لە شاری سلێمانی گرتوومانەتەبەر و ئەمڕۆش سەعات 12 ی نیوەڕۆ كۆبوونەوەی لیژنەی باڵای ڕووبەڕووبوونەوەی پەتای سكچوون و ڕشانەوە لە پارێزگای سلێمانی ئەنجامدەدرێت بە سەرۆكایەتی جەنابی پارێزگاری سلێمانی و بەرپرسانی پەیوەندیدار.
بەڕێوەبەری تەندروستی سلێمانی وتیشی: بۆ پەتای كۆلێرا ئێمە تەنها ئەنجامەكەی دەگاتە لای ئێمە، چونكە تووشبوونی خەڵك بە پەتای كۆلێرا پەیوەندی بە ئێمەوە نییە، بەڵكوو پەیوەندی بە ئاو و خۆراكەوە هەیە و لایەنە پەیوەندیدارەكانی وەك ئیدارەی ئاو و هێزە ئەمنییەكان و قائیمقامییەتی سلێمانی هاوكارمان بن بۆ ئەوەی بتوانین لەزووترین كاتدا پەتاكە كۆنترۆڵ بكەین، هەرچەند لەچەند ڕۆژی ڕابردوودا كەموكورتیمان هەبووە، بەڵام لەئێستادا ڕێكاری پێویستمان گرتۆتەبەر.
د. سەباح هەورامی ڕاشیگەیاند: تیمێك لە وەزارەتی تەندروستی عیراقەوە هاتوون و دڵخۆشبوون بەو ڕێكارانەی كە گرتوومانەتەبەر و بەڵێنیان داوە هاوكاریمان بكەن.
پەتای سكچوون و ڕشانەوە پەیوەندی بە ئاو و خۆراكەوە هەیە و ئەوەی كە پەیوەندی بە ئاوەوە هەیە دوو سەرچاوەی هەیە، یەكیان ئەو سەرچاوانەی كە ڕەسمین و ڕێگەپێدراون و مۆڵەتیان هەیە، وەكوو پڕۆژەكانی حكومەت و شەمعەكان و كارگەكانی ئاو، ڕۆژانە تیمیان بۆ دەنێرین و پشكنینیان بۆ دەكەین و ئەو شوێنانەی كە مۆڵەتیان نییە دەبێت قائیمقامییەت و هێزە ئەمنییەكان هاوكارمان بن یان ئەو شوێنانە دابخرێن یان ڕێكاری تەندروستی بگرنەبەر بۆ ئەوەی خەڵكی تووش نەكەن و ئێمە دڵنیاین سەرچاوەی پیسی ئاوەكە ئەوانن، چونكە پشكنینی شوێنە ڕەسمییەكان تا ئێستا پاك دەرچوون و ئێمە ڕێژەی كلۆرمان زیاد كردووە، خەڵك نەترسێن و زیانی نییە و ڕێژەكەش بە شێوەیەكی زانستی زیاد كراوە و لەمەوبەدوا تیمەكانی ئێمە ئەو شوێنانەی كە خۆراكی تێدا دەفرۆشن بەسەر دەكەنەوە و داواش لە هاووڵاتیان دەكەین كە پابەندی ڕێنماییە تەندروستییەكان بن و خورادنگەكان سەوزە و ئاویی پیس بەكار نەهێنن و ساردەمەنییەكان دەبێت ئاویی دەبەی گەورە بەكار بهێنن و نابێت ئاوی تەنكی بەكار بهێنن.
PUKmedia تایبهت
هەواڵی زیاتر
-
شاڵاو کۆسرەت رەسوڵ سەردانی ژمارەیەک کەسایەتی ناسراو دەکات
09:47 PM - 2024-04-30 -
مەکتەبی سیاسی: کرێکاران لەنێو كاروانی بزوتنەوەی كوردایەتییدا پێشەنگ بوون
08:50 PM - 2024-04-30 -
قوباد تاڵەبانی: هەر هەوڵێک بۆ دواخستنی هەڵبژاردن رەتدەکەینەوە
05:41 PM - 2024-04-30 -
چوار باڵیۆزی نوێ لهعیراق دهستبهكار دهبن
04:48 PM - 2024-04-30
ئەمانەش ببینە
عیراق رۆژانە 720 تۆن غازی ماڵان بۆ هەرێم دەنێرێت
04:39 PM - 2024-04-30
مهكتهبی سیاسی كۆدهبێتهوه
03:50 PM - 2024-04-30
دارایی هەرێم چاوەڕوانی پارەیە بۆ مووچەی مانگی نیسان
02:57 PM - 2024-04-30
شەڕی یاسایی بۆ گەڕاندنەوەی موڵک و ماڵی کەرکوک دەکرێت
11:01 AM - 2024-04-30
زۆرترین خوێنراو
-
مهكتهبی سیاسی كۆدهبێتهوه
کوردستان 03:50 PM - 2024-04-30 -
مەکتەبی سکرتارییەت: لە خزمەتی شۆڕشگێڕانی گەلەکەماندا دەبین
ی ن ک 03:01 PM - 2024-04-30 -
دارایی هەرێم چاوەڕوانی پارەیە بۆ مووچەی مانگی نیسان
کوردستان 02:57 PM - 2024-04-30 -
پرسەنامەی سەرۆک بافڵ بۆ خانەوادەی مامۆستا کامیل ژیر
پرسەنامە 02:07 PM - 2024-04-30 -
کۆمپانیای ئاسیاسێڵ و هواوی سەرقافڵەی وەرچەرخانی کەرتی پەیوەندییەکانن لە عێراق
کوردستان 12:24 PM - 2024-04-30 -
پرسەنامەی قوباد تاڵەبانی بۆکۆچیدوایی خاتوو ئازیز
پرسەنامە 12:07 PM - 2024-04-30 -
هاوخەمی قوباد تاڵەبانی بۆکۆچیدوایی کامیل ژیر
پرسەنامە 12:05 PM - 2024-04-30 -
هاوخەمی قوباد تاڵەبانی بۆکۆچیدوایی حاجی حامید
پرسەنامە 12:01 PM - 2024-04-30