وەزیری تەندروستی: ژمارەیەك گومانلێكراوی كۆلێرامان هەیە

وەزیری تەندروستی هەرێم رایگەیاند: لەتەواوی ناوچەكانی هەرێم نەخۆشی سكچون و رشانەوە هەیەو ژمارەیەك حاڵەتی گومانلێكراوی كۆلێراش لەناوچە جیاجیاكانی هەرێم هەیە.
سامان بەرزنجی وەزیری تەندروستی هەرێم لەكۆنگرەیەكی رۆژنامەوانیدا كە لەبەڕێوەبەرایەتی تەندروستی راپەڕین بەڕێوەچوو، رایگەیاند: لەتەواوی هەرێمی كوردستان ژمارەو رێژەی توشبوون لەمنداڵان و گەورە زیادیانكردوەو  چانسی توشبوون بەكۆلێرا زۆرەو ژمارەیەك گومانلێكراوی توشبوون بە كۆلێرا لەشارەكانی هەرێم هەیەو هەموو پێداویستییەكانی پشكنین و دیاریكردنی كۆلێرا هەیە.
راشیگەیاند: هۆكاری سەرەكی توشبوون بەسكچون و رشانەوە ئاوی خواردنەوەیە، هەروەها خۆراكی ماوە بەسەرچوو، بۆیە هەركەسێك توشی سكچون بوو بەزوترین كات سەردانی نەخۆشخانە بكات تا حاڵەتەكەی بدۆزرێتەوەو چاسەرەی پێویست بكرێت.
وتیشی: لەگەڵ وەزارەتی تەندروستی عیراق هەماهەنگیمان هەیە بۆ دابینكردنی پێداویستی پزیشكی بۆ چارەسەری نەخۆشی سكچون و رشانەوەوەو  كۆلێرا.
ئەوەشی خستەڕوو: رێنمایی و بەرنامە بۆ روبەڕوونەوەی نەخۆشی سكچون و رشانەوە دانراوەو لەگەڵ وەزارەتە پەیوەندیدەكان رێنمایی تایبەت دەردەكەین.
PUKmedia تایبەت