شه‌پۆلێكی سكچون و رشانه‌وه‌ سلێمانی گرتووه‌ته‌وه‌

شه‌پۆڵێكی سه‌ختی سكچون و رشانه‌وه‌ سلێمانی گرتوه‌ته‌وه‌و به‌ڕێوه‌به‌ری نه‌خۆشخانه‌ی جمهوری هه‌ناوی سلێمانییش هۆشداریی ده‌دات.

د.داهات حه‌وێزی به‌ڕێوه‌به‌ری نه‌خۆشخانه‌ی جمهوری هه‌ناوی سلێمانی به‌ PUKmedia ی راگه‌یاند: ته‌نها ئه‌مڕۆ زیاتر له‌ 80 نه‌خۆشی سكچون و ڕشانه‌وه‌ له‌ نه‌خۆشانه‌ی جمهوری سلێمانی داخل كراوه‌.

وتیشی: زۆرێك له‌ نه‌خۆشه‌كان به‌هۆی توندی حاڵه‌ته‌كان تووشی سستبونی گورچیله‌ و تێكچوونی كانزاكان بون.

هه‌روه‌ها داوایكرد، كه‌خۆتان به‌دووربگرن له‌ خواردنی ناته‌ندروست له‌كاتی سكچون و ڕشانه‌وه‌ ئاو و شله‌مه‌نی و شتی سووك زۆر بخۆن و خۆتان به‌دووربگرن له‌ هیلاكبوون و گه‌رمابوونی زۆر.

هه‌روه‌ها كه‌سانی به‌ته‌مه‌ن، ئه‌وانه‌ی نه‌خۆشی درێژخایه‌نیان هه‌یه‌ به‌تایبه‌تی نه‌خۆشی گورچیله‌ و زه‌خت و شه‌كره‌ پێویسه‌ زوو چاره‌سه‌ری تایبه‌ت وه‌رگرن.

پێویسته‌ له‌كاتی توندبونی حاڵه‌ته‌كان سه‌ردانی نه‌خۆشخانه‌كان بكه‌ن.

چاوه‌ڕێی ئه‌نجامی پشكنینه‌كانین بۆ دڵنیا بوون له‌ په‌تای كۆلێرا.

PUKmedia تایبه‌ت