ئەڵمانیا هۆشداری لەبارەی نەخۆشی "ئەسپی دڵتەنگ" ەوە دەدات

بەرپرسانی تەندروستی لەئەڵمانیا هۆشدارییەكی مەترسیدارییان بڵاوكردەوە دوای ئەوەی حاڵەتێكی نوێی توشبوونیان  بەجۆرێكی یەكجار دەگمەن لەنەخۆشییەك دۆزییەوە كە بە نەخۆشی بۆرنا "Borna" ناسراوە، هەروەها بە بەنەخۆشی "ئەسپی دڵتەنگ"یش ناودەبرێت و تووشی ئەو ئاژەڵانە دەبێت كە پلەی  خوێنیان گەرمەو نەخۆشییەكە كوشندەیەو دەبێتە هۆی هەوكردنی مێشك.

سەبارەت بەم بابەتە ئوسامە ئەلعانی دكتۆری دەرمانساز ئەمڕۆ شەممە بە PUKmedia ی راگەیاند: نەخۆشییەكە تازە نییەو لەكۆنەوە لەئەڵمانیا دۆزراوەتەوەو ساڵانە چەند حاڵەتێكی دیاریكراو دەكرێت.

راشیگەیاند: نەخۆشییەكە یەكجار كوشندەیە بەڵام زۆر دەگمەنە، سەرچاوەی سەرەكی نەخۆشییەكەش ئەڵمانیایە.

راشیگەیاند: نەخۆشییەكە دەكرێت ببێتە هۆكار بۆ هەوكردنی مێشك و لە زۆربەی حاڵەتەكانیش دەبێتەهۆی گیانلەدەستدان، ئەوانەشی لەڤایرۆسی نەخۆشییەكە قوتاریان دەبێت  ساڵانێكی دوورودرێژ بەزیانەكانی نەخۆشییەكەوە گرفتار دەبن.

PUKmedia تایبەت