شەیما لەماڵەكەیدا قارچك بەرهەم دەهێنێت

شەیما حەمدەڵڵا ئەوڕەحمانی تەمەنی 24 ساڵ دانیشتووی قەزای بازیانە، دەرچووی بەشی كشتوكاڵی داپۆشراوە لە پەیمانگای پۆلیتەكنیكی بەكرەجۆ.

شەیما ماوەی زیاتر لە دوو ساڵە سەرقاڵی كاری بەرهەمهێنانی قارچكی سروشتییە كە ناسراوەی بە قارچكی سەدەفی.

ئەو ماڵەكەی خۆی تایبەت كردووە بە كاری بەرهەمهێنانی قارچك، وەك خۆشی دەڵێت دەتوانێت كارەكەی فراوان بكات و هەروەها هەلی كاری زیاتر بڕەخسێنێت.

شەیما داواش دەكات كە هاوكاری بكرێت و یارمەتی بدرێت تاوەكو كاری بەرهەم هێنانی قارچك فراوان بكات و هەلی كاری زیاتر بڕەخسێنێت.

ئەو ئاماژە بۆ ئەوەش دەكات رۆژانە هاووڵاتیانێكی زۆر سەردانی دەكەن و هەروەها قارچكەكەی رەوانەی بازارەكانی سلێمانی و دەوروبەری دەكات.

PUKmedia جەمال سەرگەتی
فۆتۆ.. شاد ئیبراهیم