ئێكەمین حالەتێ تایا خوین بەربوونێ ل قەزا ئاكرێ هاتە تۆماركرن

 راگەھاندنا ساخلەمیا ئاكرێ بەلافكریە نەخۆشەكێ كو كچەكا (٢٢) سالییە سەرەدانا دەزگەهێن ساخلەمیێ كریە ل ئاكرێ پشتی دیاربوونا چەند نیشانان ل دەف نەخۆشێ لەوا هاتە نڤاندن ل بەشەكێ تایبەت دناف نەخۆشخانا گۆلان دا ژبەركو گومان ل سەرهەبوون كو توشی نەخۆشیا تایا خۆین بەربوونێ بیت.
دكتور جومعە زێباری تایبەتمەندێ نەخۆشیێن دل و هناڤا ل قەزا ئاكرێ دا دیاركرن كو ئەڤێ نەخۆشێ چەندین نیشان هەبوون پشتی كو مە نەخۆش نڤاندی دناڤ نەخۆشخانێ دا پشكنینێن پێدڤی یێن خوینێ بۆ كرن هەروەسا نمونە(Test) لێ هاتە وەرگرتن هاتە رەوانەكرن بۆ بەغدا،ئەنجامێ پشكنینێ دەركەفت(Positive) ل ڤێرە بۆ مە دیاربوو كو ئەڤە ئێك ژ حالەتێن نەخۆشیا تایا خۆین بەربوونێ بوویە.
دكتور جومعە زێباری ل دور رەوشا وێ نەخۆشێ گۆت كو  نوكە رەوشا وێ یا ساخلەمی جێگیرە پشتی هاتیە نڤاندن رەوشا وێ باشتر لێ هاتیە و بەلێ پێدڤی ب چاڤدێریێ یە و یا پێدڤی بیت دێ بۆ ئەنجامدەین.
د.سالح مستەفا رێڤەبەرێ ساخلەمیا ئاكرێ ژی دا دیاركرن كو مە بەرهەڤی كرینە بۆ هەر حالەتەكێ و مە جهەكێ تایبەت دناڤ نەخۆشخانێ دا ئامادەكریە بۆ وان حالەتێن كو مەترسی هەبیت سەر دەوروبەران و یا پێدڤیدێ دێ بۆ نەخۆشێ هێتەكرن.گۆت ژی مە لیژنەك رەوانەی ناڤ وی گوندی كریە دیاربوویە كو وی گوندی رێژا خودانكرنا ئاژەلی یا زورە و وێ مالێ بخۆ ژی ئاژەل یێ هەی و ژبەر زوریا ئاژەلی و هەبوونا كولان دناڤ گوندی دا(تیك+قرنیك)بەلافن دناڤ گوندی دا،لەوا مەترسیا تۆشبوونا حالەتا یا زورە،مە رێنمایێن خۆپارێزیێ داینە هاولاتیێن گوندی  و مالباتا وان و داخازا مە ئەوە هەر هاولاتیەكێ نیشان ل دەف هەبن زورا پێدڤیە سەرەدانا دەزگەهێن ساخلەمیێ بكەت و داكو زویترین دەم بهێتە چارەسەركرن.
PUKmedia كۆسرەت كەتۆ