ریزبەندی مردن و توشبوون بە كۆرۆنا لە عیراق ئاشكرا دەكرێت

ئەمڕۆ یەك شەممە وەزارەتی تەندروستی عیراق ریزبەندی مردن و توشبوونی بە كۆرۆنا ئاشكرا كرد، راشیگەیاند، ئاماژەكان بۆ ئەوەن كە توشبوون بە ڤایرۆسەكە كەم بووەتەوە.

وەزارەتی تەندروستی عیراق لە راگەیەنراوێكدا ئاماری تووشبوون و مردنی بە كۆرۆنا بڵاوكردەوە و ئاماژەی بەوەشداوە، پێشبینی دەكرێت  توشبوون بە كۆرۆنا بەرز ببێتەوە بەتایبەت پاش پابەند نەبوون بە رێنماییە تەندروستییەكان و نەبەستنی ماسك.

راشیگەیاند: كە ریزبەندی عیراق لە توشبوون و مردن بە كۆرۆنا لە 110 وڵات زیاترە.

ئەوەشی راگەیاندووە: هەرچەندە لە وڵاتانی كەنداو  و عیراق توشبوون بە كۆرۆنا كەم بووەتەوە، بەڵام رێكخراوی تەندروستی جیهانی WHO مەترسی بڵاوبوونەوەی جۆری مەترسیدارتری كۆرۆنای هەیە.

لە راگەیەنراوەكەی وەزارەتی تەندروستی عیراقدا ئەوەش هاتووە: لە عیراق هەموو خۆپارێزییەكان لابراون تەنها بڕوانامەی ڤاكسین نەبێت تاوەكو هاووڵاتیان بەردەوامبن لە وەرگرتنی ڤاكسین، چونكە ئاماژەكان بۆ ئەوەن كە توشبوون بە ڤایرۆسەكە كەم بووەتەوە بە تایبەت ئەوانەی ڤاكسینەكەیان وەرگرتووە.

PUKmedia راگەیاندنی وەزارەتی تەندروستی عیراق