د.سه‌باح هه‌ورامی: ناهێڵین نه‌خۆشخانه‌كانی سلێمانی بێ خزمه‌ت بن

به‌ڕێوه‌به‌ری گشتی ته‌ندروستی سلێمانی رایده‌گه‌یه‌نێت، به‌ڵێن ده‌ده‌ین كه‌ نه‌هێڵین هیچ نه‌خۆشخانه‌یه‌ك و به‌تایبه‌تی نه‌خۆشخانه‌ی هیوا بێ خزمه‌ت گوزاری بێت .

پێشنیوه‌ڕۆی ئه‌مڕۆ( ۲۰۲۲/٦/٤) له‌ ناو نه‌خۆشخانه‌ی هیوا، به‌ئاماده‌بوونی به‌ڕێوه‌به‌ری گشتی ته‌ندروستی سلێمانی و به‌شێك له‌كه‌سایه‌تی و به‌رپرسانی حكومی وپزیشك  و كارمه‌ندانی نه‌خۆشخانه‌ی هیوا مه‌راسیمێكی ڕێزلێنان بۆ ژماره‌یه‌ك له‌ پزیشك و كارمه‌ندی نه‌خۆشخانه‌ی هیوا ئه‌نجامدرا.

د. سه‌باح نه‌سره‌ده‌ین به‌ڕێوه‌به‌ری گشتی ته‌ندوستی سلێمانی ڕایگه‌یاند: پێویسته‌ ڕێزلێنانی ئه‌و جۆره‌ كه‌سانه‌ بكه‌ینه‌ نه‌ریت تاوه‌كو ئه‌وانیش به‌شێوه‌یه‌كی باشتر خزمه‌تی زیاتری نه‌خۆش و نه‌خۆشخانه‌كان بكه‌ن .

له‌به‌شێكی تری لێدوانه‌كه‌یدا به‌ڕێوه‌به‌ری گشتی ته‌ندروستی سلێمانی ڕایگه‌یاند: وه‌ك خۆمان به‌ڵێن ده‌ده‌ین كه‌ نه‌هێڵین هیچ نه‌خۆشخانه‌یه‌ك له‌پارێزگای سلێمانی و به‌تایبه‌ت تریش  نه‌خۆشخانه‌ی هیوا بێ خزمه‌ت گوزاری بێت، دڵنیایش ده‌ده‌ینه‌ نه‌خۆشانی ناو نه‌خۆشخانه‌ كه‌ به‌هه‌موو شێوه‌یه‌ك كارده‌كه‌ین تاوه‌كو چاره‌سه‌ری پێویست وه‌ربگرن.

ڕێزلێنانه‌كه‌ بۆ ئه‌وكه‌سانه‌بوو كه‌ توانیوبویان له‌ ماوه‌كانی ڕابردوو خزمه‌تی زۆری نه‌خۆشخانه‌ی هیوا بكه‌ن.

PUKmedia راگه‌یاندنی ته‌ندروستی سلێمانی