د.یاد نەقشبەندی: سلێمانی لەچارەسەری توشبوانی شێرپەنجە پلەی یەكەمی بەدەستهێناوە

بەڕێوەبەری نەخۆشخانەی هیوا رایدەگەیەنێت: سلێمانی پلەی یەكەمی لە خزمەتگوزاری بۆ چارەسەكردنی توشبوانی شێرپەنجەدا هەیەو زیاتر لە 50%ی نەخۆشانی شێرپەنجەش كە سەردانی دەكەن بۆ وەرگرتنی چارەسەر خەڵكی ناوەڕاست و باشوری عیراقن.
د.یاد نەقشبەندی بەڕێوەبەری نەخۆشخانەی هیوا كە تایبەتە بەچارەسەری توشبوانی شێرپەنجە، رایگەیاند: ئاستی خزمەتگوزاری شێرپەنجە لە سلێمانی بە پێی ستانداردە جیهانییەكان پلەی یەكەمی بەدەستهێناوە. 
وتیشی: لەچارەسەركردنی منداڵانی توشبوو بەشێرپەنجە تاكە سەنتەرەو نەخۆش لەناوەڕاست و پارێزگاكانی تری عیراقەوە بۆ چارەسەر دێنە سلێمانی و  بەپێی ئامارەكانیش زیاتر لە 50%ی توشبوانی شیچرپەنجە كە دێنە نەخۆشخانەی هیاو بۆ چارەسەر خەڵكی ناوەڕاست و باشوری عیراقن و ئەو منداڵانەشی توشی شێرپەنجە دەبن یەسان نیە بەمردن، بەڵكو كە لەهیوا چارەسەر وەردەگرن چاكدەبنەوەو دەگەڕێنەوە سەر ژیانی ئاسایی خۆیان.
بەڕێوەبەری نەخۆشخانەی هیوا دەشڵێت: كۆنفرانسێكی تایبەت بە شێرپەنجە لە سلێمانی بەڕێوەدەچێت و دەیانەوێت خاڵی دروستكردنی هەماهەنگی لە نێوان سەنتەرەكانی شێرپەنجە دەستنیشان بكەن، تا ئەو ئاستە باشەی سلێمانی لە خزمەتگوزاری شێرپەنجە بگاتە هەموو پارێزگاكانی عیراق.

PUKmedia