ئاسایش سزادانی دەستگیركراوێكی راگەیاند

ئاسایشی شارەزوور سزادانی دەستگیركراوێكی راگەیاند کە لەلایەن دادگای تاوانەكانی سلێمانییەوە بە بەكارهێنانی ماددەی هۆشبەر بەشەش ساڵ زیندانی و غەرامەكردنی بەبڕی 30 ملیۆن دینار سزادراوە.
بەپێی راگەیەنراوێكی بەڕێوەبەرایەتی ئاسایشی شارەزوو، كە وێنەیەكی گەیشتوەتە PUKmedia، تیایدا هاتووە: لە چوارچێوەی هەڵمەتە چڕو بەردەوامەكانی هێزەكانمان، بۆ نەهێشتن و‌ بنەبڕكردنی بازرگانی و بەكارهێنانی ماددە هۆشبەرەكان، دوای ئەوەی لە‌ماوەكانی پێشوودا بەفەرمانی دادوەر هێزەكانمان تۆمەتبارێكیان  بەناوی (م.ب .غ) دەستگیركرد، دواتر دۆسیەی لێكۆلینەوەی  بۆ كرایەوە و رەوانەی دادگا كرا.
رونیشیكردوەتەوە: بۆ ئەو مەبەستە دادگای تاوانەكانی سلێمانی/2 لە بەرواری (26/5/2022) بڕیاریدا بە‌سزادانی تۆمەتبار بۆ ماوەی شەش  ساڵ و غەرامەكردنی بەبڕی 30 ملیۆن دیناری عیراقی بەپێی ماددەی (26/یەكەم) لە یاسای بەرەنگاربونەوەی ماددە هۆشبەرو كارتێكەرە عەقڵییەكان.
PUKmedia هەورامان جەلال