د.بڕیار ڕەشید: فراكسیۆنی یەكێتی كێشەی نەبوونی دەرمان لەسلێمانی چارەسەر دەكات

ئەندامێكی پەرلەمانی عیراق لەفراكسیۆنی یەكێتیی نیشتمانیی كوردستان ڕایگەیاند: هەفتەی داهاتوو وەزارەتی تەندروستی عیراق و تەندروستی سلێمانی سەبارەت چارەسەركردنی كێشەی دەرمان كۆدەبنەوە.

لەوبارەیەوە د. بڕیار ڕەشید تایبەت بە PUKmedia ی ڕاگەیاند: ماوەیەكە لەگەڵ وەزارەتی تەندروستی عیراق  و بەشی كیمادیا لەسەر خەتین، كۆمەڵێك لێك تێنگەیشتن هەیە لەنێوان وەزارەتی تەندروستی عیراق و تەندروستی سلێمانی، هەر لایەك كۆمەڵێك تێبینیان هەیە، هەوڵمان بۆ داوە و داوامان كرد كە دانیشتنێكی ڕاستەوخۆ لەنێوان وەزارەتی تەندروستی عیراق و تەندروستی سلێمانی ئەنجامبدرێت.

وتیشی: وەزارەتی تەندروستی ڕەزامەندی نیشانداوە بۆ دانیشتنەكە و تەندروستی سلێمانیشمان لەوبارەیەوە ئاگادار كردۆتەوە و هەفتەی داهاتوو دانیشتنەكە بەڕێوەدەچێت و لەسەر كێشە و گرفت و كەموكوڕییەكان قسە دەكرێت پاڵپشتییەكی باشیش هەیە بۆ چارەسەركردنی كێشەكان.

PUKmedia تایبەت