ل دهوکێ ئێکەم حالەتێ تایا خووین بەربوونێ هاتە تومارکرن

شەڤا دەربازبویی ل باژێرێ زاخو کومان ژ هەبوونا حالەتەکی تووشبونێ ب تایا خوین بەربوونێ هەبوو ونەخوش هاتبوو ڤەگوهاستن بو نەخوشخانا سەنتەرێ باژێرێ دهوکی وپشتی ئەنجامدانا تاقیکرنا وپشکنینێن تایبەت بو هاتینە کرن  دیاربو کو ئێکەم حالەتە توشبوون ب تایا خوین بەربوونێ ل پارێزگەها دهوکێ هاتە تومارکرن.

ریڤەبەریا پشکا خو پاراستنێ سەرب ساخلەمیا دهوکێ ڤە راگەهاند کو ئەوحالەتی گومانلێکری ب نەخۆشیا خوین بەربوونێ هاتیە پشت ڕاستکرن کو دبیتە ئیکەم حالەت ل پارێزگەها دهوکێ.  

هەروەسا د. ئەفراسیاب موسا رێڤەبەرێ ساخلەمیا دھۆکێ دداخۆیانیەکێدا  راگەھاند: ئەنجامێ پشکنینا وێ گەنجێ گومان دھاتە کرن تووشی نەخۆشیا تایا خوینبەربوونێ بوویە ژ بەغدا گەھشتیە دەستێ وان و دیار بوویە کو ئەو کەسە تووشی تایا خوینبەربوونێ بوویە.

دەربارێ رەوشا ساخلەمیا وی ژی، پسپۆرەکێ نەخۆشیێن دل و ھناڤا راگەھاند : شەڤا بوری دەمێ ئەو تووشبوویە گەھشتیە نەخۆشخانێ رەوشا ساخلەمیا وی یا باش نەبوو و نوکەژی دبن چاڤدێریا چڕدایە و ھاتیە کەرەنتین کرن .
ئەڤە ئێکەم حالەتێ تووشبوونێ یە ب تایا خوینبەربوونێ کو ل سنورێ پارێزگەھا دھۆکێ بھێتە تۆمار کرن و گەنجەکێ تەمەن ٣٤ ساڵە و خەلکێ خانەسۆر یێ سەر ب قەزا شنگالە و ئاکنجیێ زاخۆیە و دنوکەدا ئیناینە باژێرێ دھۆکێ.

PUKmedia /  بەیار ئامێدی