ژنانی كەركوك چیرۆكی سەركەوتنیان دەكەنە كتێب

لە مەراسیمێكدا 17 ژنی كەركوكی چیرۆكی سەركەوتنی خویان لە چوارچێوەی كتێبێكدا بڵاو دەكەنەوە.

ئەو ژنانە لەو ژنانەن كەوا بەتوانای خویان پیداگریان لەسەر سەركەوتنی خۆیان كردووەتەوە و نەهامەتییەكانی ژیانیان تیپەڕاندووە، لەوبارەیەوە هەوار فارس بۆ PUKmedia دواو وتی: چیرۆكی ژیانی من یەكیكە لەو چیرۆكانە كە لەنێو ئەو كتیبەدا بڵاوكراوەتەوە بەناونیشانی (ناجحات من رحم المعانات) و بەزۆرترین نەهامەتی ژیاندا تیپەڕیوم، بەڵام توانیم سەركەوتووانە تێیپەڕێنم و لە چەند بوارێكدا خۆم تاقیكردە و سەركەوتوو بوم.

ونیشی: سەرەتا وەك وەرزشوانێكی تۆپی پێ و دواتر بۆ سەر تەختەی شانۆ و راگەیاندن و تا ئێستاش بەردەوامم لە نمایشكردن لەسەر تەختەی شانۆ وەك تاكە پەیامنێری ژن لە شارەكە پەرەم بە كارەكەم داوە و ئێستاش بەردەوامم وەك پەیامنێری كەناڵی ئاسمانی كەركوك. 

چیرۆكی سەركەوتنی ئەو ژنانە جیاوازن لەیەكتر و هەموویان یەك ئامانجیان پێكاوە كە ئەویش سەركەوتنە بەسەر نەهامەتی و بەربەستەكانی ژیان، كتیبەكە لە بەشێك ناوەندەكانی خوێندن و كتیبخانەكان دابەشكرا بەسەر خوێنەراندا.

PUKmedia ئازاد شكور