خوێندنی باڵا فۆڕمی سكاڵا به‌شێوه‌ی ئۆنڵاین كارا ده‌كات

وه‌زاره‌تی خوێندنی باڵا و توێژینه‌وه‌ی زانستی فۆڕمی سكاڵا له‌سه‌ر وێبسایتی وه‌زاره‌ت كارا ده‌كات و له‌ئێستاوه‌ له‌ ڕێگه‌ی ئه‌م فۆرمه‌وه‌ به‌ ئۆنلاین ده‌توانن سكاڵا و داواكاری و پێشنیاره‌كانتان بۆ وه‌زاره‌ت بنێرین و وه‌ڵام بدرێنه‌وه‌.

عه‌باس ئه‌كره‌م وته‌بێژی وه‌زاره‌تی خوێندنی باڵاو توێژینه‌وه‌ی زانستی ڕایگه‌یاند: له‌پێناو باشتر ڕایكردنی كاروباره‌كانی هاووڵاتیان و گه‌یاندنی سكاڵا و داواكاری و پێشنیازی (مامۆستایان، توێژه‌ران، پسپۆڕان، قوتابیان/ خوێندكاران، فه‌رمانبه‌ران و هاوڵاتیان) به‌ وه‌زاره‌ته‌كه‌مان ئه‌م فۆڕمه‌ به‌شێوه‌یه‌كی ئۆنلاین ده‌خرێته‌ به‌رده‌ست و له‌ڕێگه‌یه‌وه‌ ده‌توانرێت ده‌نگتان بگات به‌لایه‌نه‌ په‌یوه‌نداره‌كانی وه‌زاره‌ت و له‌وێشه‌وه‌ به‌پێی تایبه‌تمه‌ندێتی بابه‌ته‌كه‌ به‌زوترین كات به‌شێوه‌ی فه‌رمی و به‌ ئۆنلاین وه‌ڵام ده‌درێنه‌وه‌. 
وته‌بێژی وه‌زاره‌تی خوێندنی باڵاو توێژینه‌وه‌ی زانستی وتیشی: له‌پۆرتاڵی وه‌زاره‌ت له‌سه‌ر وێبسایتی حكومه‌تی هه‌رێمی كوردستان (gov.krd/mohe) له‌ به‌شی (لینكه‌ خێراكان) فۆڕمی سكاڵاو پێشنیار به‌م ناونیشانه‌ی خواره‌وه‌ له‌ ئێستادا ده‌خرێته‌ به‌رده‌ستتان بۆ ئه‌وه‌ی بابه‌ته‌كانتان بگه‌یه‌نن.

بۆ گه‌یاندنی سكاڵاكانتان كلیك له‌سه‌ر ئه‌م لینكانه‌ی خواره‌وه‌ بكه‌:

PUKmedia راگه‌یاندنی وه‌زاره‌تی خوێندنی باڵا