خوێندنی باڵا:سەدان خوێندكار لە كرێی خوێندن بەخشران

وەزارەتی خوێندنی باڵا و توێژینەوەی زانستی ھەرێمی کوردستان بڕیاریدا ھەمان مامەڵەی خوێندنی بەیانیان لەگەڵ بەشێک لە خوێندکارانی ئێواران لە زانکۆ حکومییەکان بکات و خوێندنیان دەبێت بە خۆڕایی.

فەرمانگەی خوێندن و پلاندانان و بەدواداچوون لە وەزارەتی خوێندنی باڵا و توێژینەوەی زانستی حکومەتی ھەرێمی کوردستان، لە نوسراوێکدا کە ئاڕاستەی سەرجەم زانکۆ حکومییەکانی کردووە ئاگاداریان دەکاتەوە، دەرچووانی ئێواران ئاستی یەکەم و دووەم و سێیەمی خوێندنی ئێواران ھەمان مامەڵەی خوێندنی بەیانیان لەگەڵ دەکرێت و سەبارەت بە تەواوکردنی خوێندنەکەیان واتا خوێندنەکەیان بە خۆڕایی دەبێت.


لە نوسراوەکە ئاماژە بەوەشکراوە، سەبارەت بەو خوێندکارانەی ئێستا لە قۆناغە جیاوازەکاندا بەردوامن لە ساڵی خوێندنی 2021-2022 واتا خوێندکار لە ھەر قۆناغێکدا بێت لە ئێستادا تا تەواوکردنی خوێندنەکەی کرێێ خوێندنی لێ وەناگیرێت بە مەرجێک تێکڕای نمرەیان لە 80٪ کەمترە نەبێت.

PUKmedia