واده‌ی تاقیكردنه‌وه‌كانی پۆلی نۆیه‌م و پۆله‌ ناكۆتاكان راگه‌یه‌نرا

وه‌زاره‌تی په‌روه‌رده‌ی ھه‌رێمی كوردستان به‌پێی ھه‌مواركردنه‌وه‌ی ساڵنامه‌ی تاقیكردنه‌وه‌كان بۆ ساڵی 2021-2022، كاتی تاقیكردنه‌وه‌كانی پۆلی نۆیه‌م و پۆله‌ ناكۆتانی بڵاوكرده‌وه‌.

وه‌زاره‌تی په‌روه‌رده‌ی حكومه‌تی ھه‌رێمی كوردستان بڵاویكردووه‌ته‌وه‌، تاقیكردنه‌وه‌كانی كۆتایی وه‌رزی دووه‌می پۆلی نۆیه‌م له‌ 21ی نیسانی 2022 ده‌ستپێده‌كات.

ئاماژه‌ی به‌وه‌شكردووه‌، له‌ 10ی ئایاری 2022 تاقیكردنه‌وه‌كانی خولی یه‌كه‌می نیشتمانیی و له‌ 11ی حوزه‌یرانی 2022 تاقیكردنه‌وه‌كانی خولی دووه‌می نیشتمانی پۆلی نۆیه‌م ده‌ستپێده‌كات. 

ھه‌روه‌ھا له‌ 8ی ئایاری 2022 تاقیكردنه‌وه‌كانی خولی یه‌كه‌می وه‌رزی دووه‌م و له‌ 7ی حوزه‌یرانی 2022 تاقیكردنه‌وه‌ی خولی دووه‌می پۆله‌ ناكۆتاكان ده‌ستپێده‌كات. 

PUKmedia وه‌زاره‌تی په‌روه‌رده‌ی هه‌رێم