مەراسمی ناساندنی كتێبی داربەڕووەكەی كەركوك بەڕێوەچوو

سەعات 10 ی بەیانی ئەمڕۆ یەكشەممە 6-3-2022 بە ئامادەبوونی ژمارەیەك لە نووسەران و ڕۆژنامەنووسان و هۆگرانی كتێب مەراسیمی ناساندن و بڵاوكردنەوەی كتێبی داربەڕووەكەی كەركوك لە هۆڵی مەڵبەندی 2 ی ڕێكخستنی یەكێتیی نیشتمانیی كوردستان بەڕێوەچوو. 

محەمەد مێرگەسووری نووسەر و ئامادەكاری كتێبە لەلێدوانێكی تایبەتدا بە PUKmediaی ڕاگەیاند: شەش ژمارەی گۆڤاری گزنگمان لەدووتوێی كتێبی داربەڕووەكەی كەركوك كۆكردۆتەوە و بەرگی یەكەم ئەو كتێبە لە تیراژی 500 دانە چاپ و بڵاوكردەوە.

وتیشی: گۆڤاری گزنگ لەسەردەمی خەباتی شاخ لە لایەنی یەكێتی نووسەران دەردەچوو و ئێمە شەش ژمارەی ئەو گۆڤارەمان لە كتێبێكدا چاپ كردۆتەوە.

پێشەكی كتێبەكە لەلایەن فەرید ئەسەسەرد نووسراوە.

پاشان كتێبەكە بە ئیمزای ئامادەكاری كتێبەكە بەسەر ئامادەبواندا دابەشكرا. 
PUKmedia تایبەت