زیاتر له‌ 30 ساڵه‌ چاوه‌ڕێی مێرده‌كه‌ی ده‌كات

هه‌موو ژیانی پێكه‌وه‌یی و هاوسه‌رگیری (ره‌عنا) بریتیبوو له‌ 4 مانگ و له‌وه‌به‌دواوه‌ به‌ته‌نها ماوه‌ته‌وه‌و رۆژی به‌ئومێدی بینینه‌وه‌ی هاوسه‌ره‌كه‌ی گوزه‌راندوه‌.

خه‌می ئه‌و ژنه‌، خه‌مێكی هاوبه‌شی ئه‌و ژنانی كورده‌ كه‌ هاوسه‌ره‌كانیان له‌ شه‌رِی ساڵانی هه‌شتاكانی سه‌ده‌ی رابردووی نێوان هه‌ردوو وڵاتی عیراق و ئێراندا دیارنه‌ماون .

ره‌عنا محه‌مه‌دی 60 ساڵ، ته‌نها 4 مانگ له‌ ژیانی هاوبه‌شی تێپه‌رِی كرد كه‌ عه‌بدوڵڵای مێردی بووه‌ سه‌ربازو چووه‌ بۆ شه‌رِو ئیتر سۆراغی نه‌ماوه‌.

رِه‌عنا به‌وهۆیه‌وه‌ هیچ منداڵێكی نیه‌، له‌دوای بێ سه‌روشوێن بوونی هاوسه‌ره‌كه‌یشی، له‌ ماڵی براكه‌ی له‌ قه‌زای كه‌لار ده‌ژی.

 له‌م ماوه‌یه‌شدا روبه‌رِوی زۆر ئازارو خه‌م بوه‌ته‌وه‌، له‌م دواییه‌شدا ره‌عنا توشبونی شێرپه‌نجه‌بووه‌.

PUKmedia زمناكۆ یه‌حیایی