سلێمانی.. خوێندكارانی قۆناغی 12 داوایه‌ك ئاڕاسته‌ی په‌روه‌رده‌ ده‌كه‌ن

به‌یانی ئه‌مڕۆ دووشه‌ممه‌ 14-2-2022له‌به‌رده‌م بینای په‌روه‌رده‌ی ڕۆژئاوا له‌ شاری سلێمانی، به‌شێك له‌ خوێندكارانی قۆناغی 12 ئاماده‌ی گردبوونه‌وه‌، داوای كه‌م كردنه‌وه‌ی بابه‌ته‌كان خوێندن ده‌كه‌ن.

ئاماژه‌ بۆئه‌وه‌ش ده‌كه‌ن، تاوه‌كو ئێستا كه‌ وه‌رزی دووه‌می خوێندنه‌، هێشتا وانه‌كانی وه‌رزی یه‌كه‌م به‌ته‌واوی نه‌خوێندراوه‌، ئه‌وه‌ش واده‌كات تاكۆتایی ساڵ وانه‌كان به‌ته‌واوی نه‌خوێندرێت.

خوێندكاران داوا ده‌كه‌ن بابه‌ته‌كانی خوێندنیان بۆ كه‌م بكرێته‌وه‌، گه‌رنا ئه‌وا له‌ گردبونه‌وه‌ و بایكۆت كردنی خوێندن به‌رده‌وام ده‌بن.

PUKmedia جه‌مال سه‌رگه‌تی
وێنه‌/ شاد ئیبراهیم