په‌روه‌رده‌ واده‌ی تاقیكردنه‌وه‌كان و پشوه‌كانی ئازاری راگه‌یاند

به‌ڕێوه‌به‌رایه‌تی گشتی ئه‌زمونه‌كان و هه‌ڵسه‌نگاندنی وه‌زاره‌تی په‌روه‌رده‌ واده‌ی به‌ڕێوه‌چونی تاقیكردنه‌وه‌ی به‌رایی و وه‌رزی دووه‌می راگه‌یاند.

له‌ نوسراوێكی به‌ڕێوه‌به‌رایه‌تی گشتی ئه‌زمونه‌كان و هه‌ڵسه‌نگاندنی وه‌زاره‌تی په‌روه‌رده‌ كه‌ ئه‌مڕۆ یه‌كشه‌ممه‌ 6-2-2022،  كۆپییه‌كی ده‌ست PUKmedia كه‌وتووه‌، تێیدا هاتووه‌، به‌ بڕیاری كۆبونه‌وه‌ی ئه‌نجومه‌نی وه‌زاره‌تی په‌روه‌رده‌ له‌ 25-1-2022 دوا به‌ دوای نوسراومان به‌ ژماره‌ 9293 له‌ 13-10-2021، به‌ هه‌مواركردنه‌وه‌ی ساڵنامه‌ی خوێندن و تاقیكردنه‌وه‌كان له‌ رۆژانی خوێندن و چه‌ند خاڵێك جێبه‌جێ ده‌كرێت، له‌وانه‌: 
بڕیاردراوه‌ تاقیكردنه‌وه‌كانی به‌رایی وه‌ك خۆی له‌ 19-2-2022 ده‌ستپێده‌كات و رۆژی 27-2-2022، كۆتایی پێبێت.

هه‌روه‌ها ئاماژه‌ به‌وه‌شكراوه‌، پشوه‌كانی ئازار و نه‌ورۆز له‌ 11-3-2022 ده‌ستپێده‌كات له‌ 24-3-2022 كۆتایی دێت، جگه‌ له‌ رۆژانی 12 و 13 و 14 و 15 و 16 و 17ی ئازار له‌ ناوه‌نده‌كانی خوێندن ده‌وامی ره‌سمی ده‌بێت، بۆ قه‌ره‌بوی پشوه‌كانی مانگی 1ی 2022 كه‌ به‌هۆی ناجێگیری كه‌شوهه‌وا بڕیاری له‌سه‌ر درا.

له‌باره‌ی پشوه‌كانی وه‌رزی دوه‌می پۆلی 12ی ئاماده‌یی ( زانستی و وێژه‌یی) و پۆلی (نۆیه‌می بنه‌ڕه‌تی) رۆژی پێنجشه‌ممه‌ 21-4-2022 ده‌ستپێده‌كات رۆژی شه‌ممه‌ 30-4- كۆتایی دێت، بۆ پۆله‌كانی 12ی خوێندنی (ئیسلامی و پیشه‌یی) رۆژی دووشه‌ممه‌ 18-4-2022 ده‌ستپێده‌كات و له‌ 30-4-2022 كۆتایی دێت.

PUKmedia