په‌روه‌رده‌ له‌باره‌ی ده‌وامی خوێندكاران بڕیارده‌دات

له‌ راگه‌یه‌نراوێكی وه‌زاره‌تی په‌روه‌رده‌ی هه‌رێمی كوردستان، ئه‌مڕۆ22-1-2022، كۆپییه‌كی ده‌ست PUKmedia كه‌وتووه‌، تێیدا هاتووه‌، به‌مه‌به‌ستی پاراستنی سه‌لامه‌تی گیانی مامۆستایان و قوتابیان و خوێندكاران له‌ دابه‌زینی پله‌كانی گه‌رمی پاش هه‌ڵسه‌نگاندنی ( وه‌زاره‌تی گواستنه‌وه‌ وگه‌یاندن / به‌ڕێوه‌به‌رایه‌تی گشتیی كه‌شناسی و بومه‌له‌رزه‌زانی هه‌رێم ، بڕیاردرا له‌ سه‌رجه‌م ناوه‌نده‌كانی خوێندنی ( حكومی - ناحكومی ) پشوو ده‌بێت تا رۆژی یه‌كشه‌ممه‌ 30ی 1ی 2022 واتا رۆژی یه‌كشه‌ممه‌ پشوو ده‌بێت.

ڕاگه‌یه‌نراوێك له‌ وه‌زیری په‌روه‌رده‌وه‌ :

به‌مه‌به‌ستی پاراستنی سه‌لامه‌تی گیانی  مامۆستایان و قوتابیان و خوێندكاران له‌ دابه‌زینی پله‌كانی گه‌رمی  پاش هه‌ڵسه‌نگاندنی ( وه‌زاره‌تی گواستنه‌وه‌ وگه‌یاندن / به‌ڕێوه‌به‌رایه‌تی گشتیی كه‌شناسی و بومه‌له‌رزه‌زانی هه‌رێم، بریارماندا : 

١- له‌ سه‌رجه‌م ناوه‌نده‌كانی خوێندنی ( حكومی - ناحكومی ) پشوو ده‌بێت تا رۆژی یه‌كشه‌ممه‌ ٣٠ی ١ی ٢٠٢٢ واتا رۆژی یه‌كشه‌ممه‌ پشوو ده‌بێت. 
٢- ئه‌و هه‌ڵسه‌نگاندن و تاقیكردنه‌وانه‌ی  وه‌رزی یه‌كه‌م كه‌ ئه‌نجام نه‌دراون له‌ رۆژی دووشه‌ممه‌ ٣١ی ١ی ٢٠٢٢  ده‌ستپێده‌كرێته‌وه‌، كارگێری ناوه‌نده‌كانی خوێندن خشته‌ی  ئه‌و تاقیكردنه‌وانه‌ی كه‌ماون بۆ قوتابیان و خوێندكاران راده‌گه‌یه‌نن  به‌مه‌رجێك به‌یانیان له‌كاتژمێر ٩:٣٠ ی به‌یانی ده‌ستپێبكات، پاش ئه‌نجامدانی ئه‌و تاقیكردنه‌وانه‌ی كه‌ ماون خوێندنی وه‌رزی دووه‌م  ده‌ستپێده‌كات . 
٣- قوتابخانه‌كانی (سابیس ) و (نێوده‌وڵه‌تییه‌كان) و ( بیانییه‌كان ) كه‌ پرۆگرامی تایبه‌تیان هه‌یه‌ ده‌توانن تا واده‌ی ئاماژه‌پێكراو به‌ شێوازی خوێندنی ئۆنلاین به‌رده‌وام بن.
٤- ئه‌نجومه‌نی وه‌زاره‌تی په‌روه‌رده‌ بۆ قه‌ره‌بووكردنه‌وه‌ی ماوه‌ی له‌ده‌ستچوو ، ساڵنامه‌ی خوێندن هه‌موار ده‌كاته‌وه‌.

ئالان حمه‌ سعید 
وه‌زیری په‌روه‌رده‌
٢٢ی ١ی ٢٠٢٢
PUKmedia