سلێمانی.. په‌روه‌رده‌ سێ ڕۆژ ده‌كات به‌ پشوو

له‌ڕاگه‌یه‌نراوێكدا به‌ڕێوه‌به‌رایه‌تی په‌روه‌رده‌ی سلێمانی به‌هۆی دابه‌زینی پله‌ی گه‌رما و به‌سته‌ڵه‌ك و سه‌رما سێ ڕۆژ پشووی ڕاگه‌یاند.
ئه‌مه‌ش ده‌قی ڕاگه‌یه‌نراوه‌كه‌
بۆ سه‌رجه‌م ناوه‌نده‌كانی خوێندن
دوای ڕاوێژ له‌گه‌ڵ به‌ڕێزان پارێزگاری سلێمانی و به‌ڕێوه‌به‌ری كه‌شناسی و بومه‌له‌رزه‌ی سلێمانی،له‌به‌ر دابه‌زینی پله‌ی گه‌رمی و به‌سته‌ڵه‌ك و سه‌رما وه‌ بۆ پاراستنی گیانی قوتابیان و خوێندكاران بڕیارماندا به‌ ڕاگرتنی تاقیكردنه‌وه‌كانی كۆتایی وه‌رزی یه‌كه‌م له‌ ڕۆژانی سێشه‌ممه‌ و چوارشه‌ممه‌ و پێنج شه‌ممه‌ به‌رواری(2022/1/20/19/18) له‌ گشت ناوه‌نده‌كانی خوێندن به‌ حكومی و ناحكومی یه‌وه‌ تاقیكردنه‌وه‌كان ده‌چێته‌ (2022/1/25) به‌ پێی خشته‌یه‌كی تایبه‌ت كه‌ له‌ لایه‌ن كارگێڕی قوتابخانه‌كانه‌وه‌ دیاری ده‌كرێت.
به‌هیوای سه‌لامه‌تی بۆ هه‌مولایه‌ك
به‌ڕێوه‌به‌رایه‌تی گشتی په‌روه‌رده‌ی سلێمانی 
PUKmedia